ધરપકડ / મહામારીમાં ચોર બનેલા આરોપીએ કહ્યું, સાહેબ કામ ન મળતા ઘરેથી વાહન વગર નીકળતો, બાદમાં આવી રીતે કરતો ચોરી

• અમદાવાદમાં વાહન ચોરી કરતા ચોરની ધરપકડ
• બેરોજગારીનો ઇલાજ ચોરી નથી
• ખોખરા પોલીસે આવા જ એક ચોરની કરી ધરપકડ

અમદાવાદની પોલીસે વાહન ચોર જીતેન્દ્ર ચિતારાની ધરપકડ કરી છે, ત્યારે તેની પૂછપરછ આદરવામાં આવી હતી. જેમાં તેમણે કેટલાક ખુલાસા કર્યા હતા. આ ચોરને મજૂરી કામ ન મળતા પૂર્વ વિસ્તારમાંથી વાહનો ચોરી કરવાનું શરૂ કર્યું હતું. સાત વાહનો કબ્જે લઈને છ ગુનાના ભેદ ઉકેલાયા છે. કોરોનાકાળમાં આ આરોપીને દોઢેક માસથી કોઈ કામ મળ્યું ન હતું. જેથી આ તમામ ચોરી તેણે દોઢ માસમાં જ કરી હતી.

ઘરેથી તે વાહન વગર નીકળતો અને ઘરે વાહન લઇને જતો

જીતેન્દ્ર ચિતારા નામનો આરોપી મૂળ વટવામાં રહે છે અને હાલ તેની ખોખરા પોલીસે ધરપકડ કરી છે. સાત વાહનો કબ્જે લઈ છ ગુનાના ભેદ ઉકેલયા છે. આરોપી શાહપુર, નારોલ, ખોખરા જેવા વિસ્તારોમાંથી વાહનો ચોરી કરતો. ઘરેથી તે વાહન વગર નીકળતો અને ચાલતા ચાલતા જ્યાં બિનવારસી વાહન દેખાય તે ચોરી કરી વાહન પોતાના ઘરે મૂકી દેતો. ક્યારેક તો ચોરેલા વાહન પર જ નીકળતો અને અન્ય વાહન ચોરી બંને વાહન વારાફરતી લઈને ઘરે મૂકી દેતો. પોલીસે સાત વાહનો કબ્જે લઈ અનેક ગુનાના ભેદ ઉકેલાયા છે.

અગાઉ સિલાઈ કામ અને છૂટક મજૂરી કરતો

આરોપીની પૂછપરછમાં સામે આવ્યું કે તે અગાઉ સિલાઈ કામ અને છૂટક મજૂરી કરતો હતો. પરંતુ કોરોનાકાળમાં તેને દોઢેક માસથી કોઈ કામ મળ્યું ન હતું. જેથી આ તમામ ચોરી તેણે દોઢ માસમાં જ કરી હતી. આરોપી એટલો શાતિર છે કે તે અગાઉ આવા ગુનાને અંજામ આપ્યા બાદ પકડાયો પણ નહતો.

અગાઉ ક્રાઇમબ્રાન્ચે અને અન્ય પોલીસે આવા ચોરને પકડ્યા હતા. જે ચોર આમ તો નોકરી-ધંધો કરતા હતા પણ કોરોનાના સમયે તે લોકોને ચોર બનવા મજબૂર કર્યા હતા.