20 દિવસ અગાઉ પેઠાભાઈના ભાઈની દીકરી અડાસર ગામના ભરવાડ સમાજના યુવક સાથે પ્રેમ સંબંધ હતો. બન્ને પ્રેમીપંખીડા ઘરેથી નાસી ગયા હતા.
વટવાના ગામડી ગામ ચાર રસ્તા નજીક બબાલ
એક જ સમાજના પ્રેમી પંખીડા ભાગી જતા બબાલ
પોલીસ કર્મચારીએ કર્યું ફાયરીંગ
અમદાવાદ શહેરના વટવા રીંગરોડ પાસે આવેલા ગામડી ગામ ચાર રસ્તા નજીક એક યુવક પર ફાયરીંગ કરીને હત્યાનો પ્રયાસ કર્યો. પેઠાભાઈ ભરવાડને ગોળી વાગતા સારવાર માટે હોસ્પીટલમાં ખસેડવામા આવ્યા. આ ફાયરીંગ કરનાર અન્ય કોઈ વ્યક્તિ નહીં પરંતુ તેનો પરિચિત અને ગોમતીપુર પોલીસ સ્ટેશન ફરજ બજાવતો પોલીસ કર્મી નવઘણ ભરવાડ હતો.
નવઘણની સાથે આવેલા અન્ય 5 યુવકોએ પેઠા ભરવાડના બે ભાઈ કમલેશ ભરવાડ અને ગોવિંદ ભરવાડ પર તલવાર વડે હુમલો કરી ઈજાઓ પહોંચાડી હતી. આ ઉપરાંત ગાડીના કાચ તોડી નુકસાન પહોંચાડયું છે. જે અંગે વટવા પોલીસે હત્યાનો પ્રયાસ અને હથિયાર ધારાની કલમ હેઠળ ગુનો નોંધી 6 આરોપીઓની શોધખોળ હાથ ધરી છે.
ફાયરીંગની ઘટનાની વાત કરીએ તો, 20 દિવસ અગાઉ પેઠાભાઈના ભાઈની દીકરી અડાસર ગામના ભરવાડ સમાજના યુવક સાથે પ્રેમ સંબંધ હતો. બન્ને પ્રેમીપંખીડા ઘરેથી નાસી ગયા હતા. જેની અદાવત રાખી ફરિયાદી પેથાભાઈ અને તેના પરિવારજનોએ યુવકના પરિવારો પર હુમલો કર્યો હતો. જે અંગેની ફરિયાદ અસલાલી પોલીસ મથકે નોંધાઈ હતી હતી. જે હુમલાનો બદલો લેવા મોડીરાત્રે પોલીસ કોન્સ્ટેબલ નવઘણ ભરવાડ, રમેશ ભરવાડ, અક્ષય ભરવાડ, મોન્ટુ ભરવાડ તથા અન્ય બે યુવકોએ હુમલો કર્યો હતો. જેમા પોલીસ કર્મચારીએ 2 રાઉન્ડ ફાયરીંગ પણ કર્યું હતું. જેમાં એક ગોળી પેઠા ભરવાડને લાગી હતી.