અમદાવાદના વટવા GIDCમાં ફેઝ માં આવેલી કંપનીઓમાં અચાનક આગ લાગી જતાં ભયનો માહોલ ફેલાઈ ગયો હતો. આ બન્ને કેમિકલ કંપની હતી. જેમાં એક માતંગી ઈન્ડસ્ટ્રીઝ અને એક જેગ્સન કલરકેમ કંપની હતી.
આ બન્ને કંપનીમાં અચાનક ધડાકો થયો હતો અને બાદમાં આગની જ્વાળાઓમાં લપેટાઈ ગઈ હતી. આગ લાગવાના કારણે આસપાસના લોકોમાં ભયનો માહોલ ફેલાઈ ગયો હતો. ફાયર બ્રિગેડની 30 ગાડીઓની મદદથી ભારે જહેમત બાદ આગ પર કાબૂ મેળવવામાં આવ્યો હતો.
આગની આ ઘટનામાં જાનહાનિના કોઈ અહેવાલ મળ્યા નથી. કેમિકલ કંપનીમાં સોલવન્ટ વધુ માત્રામાં હોવાથી આગ વધુ ફેલાઈ હતી. જો કે તપાસ દરમિયાન એવું પણ સામે આવ્યું કે ફેક્ટરી કાર્યરત નહોતી.
વટવામાં આવેલી માતંગી ઇન્ડસ્ટ્રીઝ અને જેકસન કલેકમમાં લાગેલી આગના કારણે અન્ય બે ફેકટરીઓ પણ આગની ઝપેટમાં આવી ગઇ હતી. જો કે કેમિકલ ફેકટરીઓમાં ધડાકાઓ સાથે આગ લાગતા આસપાસના લોકો ભયભીત બન્યા હતા.
જો કે આગ એટલી હદે વિકરાળ હતી કે 30 ફાયર ફાઇટર્સની જહેમત બાદ કાબૂ મેળવાયો હતો. ફાયર બ્રિગેડના ઓફિસર દાવો કર્યો છે કે કોઇ જાનહાનિ થઇ નથી.
અમદાવાદની વટવા GIDCની બે બંધ ફેકટરીમાં આગનો બનાવ બન્યો છે. જો કે આ બંધ ફેકટરીઓમાં સોલનવન્ટ હોવાથી આગ વધુ પ્રસરી હોવાની પ્રાથમિક તારણ સામે આવ્યું છે. જો કે આ ફેકટરી હાલ કાર્યરત ન હોવાનો પણ દાવો કરવામાં આવ્યો છે.
અમદાવાદમાં વટવામાં વિઝોલ ફાટક પાસે આવેલી કેમિકલ કંપનીઓમાં ભયંકર આગનો બનાવ બન્યો હતો. કેમિકલ્સ કંપનીમાં લાગેલી આગમાં બ્લાસ્ટ થતાં વિકરાળ સ્વરૂપ ધારણ કર્યુ હતું. જો કે કેમિકલ ફેકટરીમાં આગ લાગતા ધડાકાના અવાજ ઇસનપુર સુધી સંભળાયા હતા. જ્યારે રોડ પર પાર્ક વાહનો પણ આગમાં ભસ્મીભૂત થયા. ફાયર બ્રિગેડે મેજર કોલ જાહેર કર્યો હતો.