મહિલા ન્યાય મળે તે માટે પોલીસ સ્ટેશનમાં અનેક વખત ગઇ પરંતુ સિવિલ મેટર હોવાનું કહીને પોલીસે તેમની અવગણના કરી છે. પોલીસ કમિશનર આશિષ ભાટિયાએ ફરિયાદ નોંધવા માટે આદેશ કર્યા છે. તેમજ ઝોન 1 ના ડીસીપી પી.એલ. મલ્લે વાડજ પોલીસ સ્ટેશનના પોલીસ ઇન્સ્પેક્ટર જે.એ.રાઠવાને તપાસ કરવાના આદેશ કર્યા હોવા છતાંય હજુ સુધી વ્યાજખોરને પોલીસ છાવરી રહી છે.
વ્યાજખોરે પચાવી પાડ્યું 45 લાખનું મકાન
જૂના વાડજ વિસ્તારમાં આવેલા ટાઇગર ફ્લેટમાં રહેતાં 65 વર્ષીય નયનાબહેનના આક્ષેપ પ્રમાણે શાસ્ત્રીનગરમાં રહેતા અને ઇલેટ્રોનિકની દુકાન ધરાવતા હરેશ મોટવાણીએ 2.90 લાખ રૂપિયા ત્રણ ટકા વ્યાજ પર આપ્યા હતા.
પ્રોમિસરી નોટ પણ લખાવી લીધી
હરેશે નયનાબહેન પાસે ઘરનો ભાડા કરાર અને વેચાણ કરાર લઇ લીધા હતા અને પ્રોમિસરી નોટ પણ લખાવી લીધી હતી. દસ્તાવેજોના આધારે હરેશે મકાન પચાવી પાડ્યું હોવાના આક્ષેપ નયનાબહેને કર્યા છે.