CBIએ રૂ. 30 લાખની લાંચ લેતા અમદાવાદના પ્રાદેશિક વડા, પૂણેથી બેંકના રિકવરી હેડને રંગેહાથે ઝડપી પાડયા છે. ફરિયાદીએ સીબીઆઈને ફરિયાદ કરી હતી કે મૂલ્યાંકન પ્રમાણપત્ર માટે તેમની પાસેથી 1 કરોડ રૂપિયાની માંગણી કરવામાં આવી છે. જે બાદ સીબીઆઈએ છટકું ગોઠવી રત્નાકર બેંકના 2 લાંચિયા અધિકારીને પકડી પાડયા હતા.
કયા કારણે માંગી હતી લાંચ
મળતી વિગત પ્રમાણે ફરિયાદીએ તેના પરિવારના 12 સભ્યો સાથે નેશનલ હોર્ટિકલ્ચર બોર્ડની બાગાયત યોજનાના ઉત્પાદન અને પોસ્ટ હાર્વેસ્ટ મેનેજમેન્ટ સહિત વાણિજ્યિક બાગાયતના વિકાસ હેઠળ કૃષિ ટર્મ માટે લોન અરજી કરી હતી.
કયા અધિકારી લાંચ લેતા પકડાયા?
નિમેષ મંગર પ્રાદેશિક વડા, રત્નાકર બેંક લિમિટેડ, અમદાવાદ
સૌરભ ભાસીન, રિકવરી હેડ, રત્નાકર બેંક લિમિટેડ પુણે
કૃષિ મુદતની લોન NPA બની ગઈ જે બાદ મૂલ્યાંકન પ્રમાણપત્ર જરૂરી બનતા માંગી લાંચ
મહત્વનું છે કે સરકાર કુલ પ્રોજેક્ટ ખર્ચના 50 ટકા દરે સબસિડી આપે છે મર્યાદિત દરેક પ્રોજેક્ટ માટે 56 લાખ સબસિડી મળવાની હતી પણ ન મળવાને કારણે, ફરિયાદી અને તેના પરિવારના સભ્યોની તમામ કૃષિ મુદતની લોન NPA બની ગઈ હતી અને સબસિડી મેળવવા માટે, ગીરો મૂકેલી મિલકતો માટે મૂલ્યાંકન પ્રમાણપત્ર જરૂરી હતું જેથી પતાવટમાં 30 લાખમાં પ્રમાણપત્ર આપવાની વાત થઈ હતી. ફરિયાદને આધારે સીબીઆઇએ કાર્યવાહી કરી 30 લાખ રૂપિયાની લાંચ લેતા બંનેને રંગહાથ ઝડપી લીધા હતા.સીબીઆઈ દ્વારા બંને આરોપીઓની ઓફિસ અને રહેણાંક જગ્યા પર અમદાવાદ, પૂણે, દિલ્હી સહિત પાંચ સ્થળોએ દરોડા પાડવામાં આવ્યા હતા.