ઈ-મેમો / ઘાટ કરતા ઘડામણ મોંઘુ : અમદાવાદ ટ્રાફિક પોલીસ લોકોને ઘેરઘેર જઈ ઈ-મેમો ઉઘરાવશે? 

• 2800 લોકોની યાદી તૈયાર કરીને નોટીસ આપવામાં આવી
• પૂર્વ વિસ્તારના 1200 અને પશ્ચિમ વિસ્તારના 800 લોકોને નોટિસ
• દરરોજ 2500 જેટલા ઈ-મેમો વાહન ચાલકો ફટકારવામાં આવે છે

ટ્રાફિક પોલીસે શહેરના 2800 લોકોની યાદી તૈયાર કરી છે.. શહેરના પૂર્વ વિસ્તારમાં 1200 અને પશ્ચિમ વિસ્તારના 800 લોકોને નોટિસ પાઠવવામાં આવી છે. ટ્રાફિક પોલીસ દ્વારા દરરોજ 2500 જેટલા વાહન ચાલકોને ઈ-મેમો ફટકારવામાં આવે છે. જેમાથી માત્ર 100 જેટલા જ વાહન ચાલકો દંડની ભરપાઈ કરે છે.. 

ટ્રાફિક પોલીસનો સપાટો

વાહન ચાલકોએ દંડ ન ભરતા ટ્રાફિક પોલીસે લાલ આંખ કરી છે. ટ્રાફિક પોલીસ દ્વારા નોટિસ પાઠવવામાં આવી છે. આ નોટીસ બાદ પણ જો વાહન ચાલક દંડ નહી ભરે તો લાયસન્સ અને આર.સી.બુક ( RC Book ) રદ્દ કરવામાં આવશે. પોલીસ દ્વારા ઘેરઘેર જઈને નોટીસની બજવણી કરવામાં આવશે.