કેન્દ્ર સરકારે દેશમાં વાહન દુર્ઘટનાઓ રોકવા માટે પરિવહન નિયમ ઉલ્લંઘન કરવા પર દંડની રકમ બેગણી કરી તેના પર 1 સપ્ટેમ્બરથી અમલ પણ શરૂ કરી દીધો છે. ત્યારે અમદાવાદ ટ્રાફિક પોલીસ દ્વારા નિયમોના ઉલ્લંઘન પર પોલીસ જવાનને જ દંડ કરાયાની ઘટના સામે આવી છે.
અમદાવાદ ટ્રાફિક પોલીસ ટ્રાફિક નિયમોના ઉલ્લંઘન પર વાહન ચાલકો પાસેથી દંડ વસૂલી રહી છે. ત્યારે એક એવી ઘટના સામે આવી છે જેમાં ખુદ ટ્રાફિક પોલીસે પોલીસનો મેમો ફાડ્યો હોય.
અમદાવાદ પોલીસે ફેસબુક પર એક પોસ્ટ શેર કરી છે. જેમાં પોલીસ બાઇક ચલાવતા ફોન પર વાત કરી રહ્યો છે. સાથે બીજો એક ફોટો શેર કર્યો છે જેમાં આ પોલીસ જવાનનો રૂ.1100નો મેમો ફટકારવામાં આવ્યો છે. મેમોમાં લખ્યું છે કે, વોટ્સએપમાં ફોટો વાયરલ થયા બાદ દંડ ફટકારવામાં આવેલ. સાથે લખ્યું છે કે, ચાલુ વાહન મોબાઇલમાં વાત કરવી અને હેલ્મેટ વગર બાઇક ચલાવવું.
ફેસબુક પર પોસ્ટ કરતા લખ્યું હતું કે, અમારા ધ્યાનમાં આ બાબત ધ્યાનમાં આવી હતી. ત્યારબાદ રૂ. 1100 રૂપિયાનો દંડ ફટકારવામાં આવ્યો છે. કૃપા કરીને તમે અમને જાણ કરો અમે યોગ્ય કાર્યવાહી કરીશું.
મોટર વ્હીકલ એક્ટ લાગૂ થયા બાદ હવે આટલો થશે દંડ
હેલ્મેટ પહેર્યા વગર વાહન ચલાવવા
જો તમે હેલ્મેટ પહેર્યા વગર વાહન ચલાવો છો તો સાવધાન થઇ જજો. હેલ્મેટ વગર વાહન ચલાવવા પર એક હજાર રૂપિયાનો દંડ તથા 3 મહિના સુધી લાયસન્સ સસ્પેન્સ થઇ જશે.
વીમા પોલિસી વગર વાહન ચલાવવા પર
જો તમે વીમા પોલિસી વગર વાહન ચલાવો છો તો તમને બે હજાર રૂપિયા સુધીનો દંડ ફટકારવામાં આવશે.
લાયસન્સ વગર વાહન ચલાવવું
તમે વ્હીકલ ચલાવો છો અને તમારી પાસે લાયસન્સ નથી તો તમને પાંચ હજાર રૂપિયા સુધીનો દંડ ફટકારવામાં આવી શકે છે.
અધિકારીઓના આદેશનું પાલન ના કરવા પર
અધિકારીઓના આદેશનું પાલન તમે નથી કરતાં તો પહેલા 500 રૂપિયાનો દંડ ફટકારવામાં આવતો હતો પરંતુ હવે તે વધારીને 2 હજાર કરી દેવામાં આવ્યો છે.
સીલ્ટ બેલ્ટ અને ઓવર સ્પીડ પર પણ વધ્યો દંડ
સીટ બેલ્ટ પહેર્યા વગર ચલાવવા પર 100 રૂપિયાની જગ્યાએ 1000 આપવો પડશે. આ ઉપરાંત નક્કી સીમાથી વધારે સ્પીડથી ચલાવવા પર 400ની જગ્યાએ 1000 થી 2000 રૂપિયા સુધીનો દંડ આપવો પડશે.
કેબ કંપનીઓ નિયમોનું ઉલ્લંઘન કરશે તો
ઓલા, ઉબર જેવા ગ્રુપ ડ્રાઇવિંગ લાયસન્સના નિયમોનું ઉલ્લંઘન કરવા પર એક લાખ રૂપિયાનો દંડ થશે.
આ ઉપરાંત અનઑથોરાઇજ્ડ વાહનનો ઉપયોગ કરવા પર પાંચ હજાર રૂપિયા સુધીનો દંડ ફટકારાશે.
તમારા માટે રાહત આપતો આ નિયમ પણ તમારે જાણવો જરૂરી, જુઓ VIDEO