કોરોના વાઇરસની દહેશત વચ્ચે વાહનચાલકો મોં પર માસ્ક પહેરીને નીકળે છે. જો વાહનચાલકોએ માસ્ક પહેર્યું ના હોય તો પોલીસ એક હજાર રૂપિયાનો દંડ વસૂલે છે. આ સિવાય જો ટ્રાફિકના નિયમોનું પાલન ના કરો તો નવા નિયમો પ્રમાણે દંડની રકમ ડબલ થઈ જાય છે.
વાહનચાલકો હવે સાવધાન
આ જુગાડ બંધ કરી દેજો, નહીંતર જેલમાં જવા તૈયાર રહેજો
પોલીસે લાલ આંખ કરી
ટ્રાફિક વિભાગ દ્વારા ભલે ગમે એવા ચુસ્ત નિયમો બનાવવામાં આવે પરંતુ અમદાવાદીઓને ટ્રાફિકના નિયમોની સહેજ પણ પરવા નથી. ઇ-મેમોથી બચવા માટે વાહનચાલકોએ નંબર પ્લેટ વાળી દેવાના કે તેને ઢાંકી દેવાના ઘરગથ્થુ જુગાડ શોધી લીધા છે.
પોલીસે લાલ આંખ કરી
જોકે હવે આ જુગાડ સામે શહેર પોલીસે લાલ આંખ કરી છે અને આવા વાહનચાલકો વિરુદ્ધ ગુનો નોંધીને તેમને જેલભેગા કરવાની પૂરી તૈયારી કરી લીધી છે.શહેરનાં તમામ જંક્શનને સીસીટીવી કેમેરાથી સજ્જ કરવામાં આવ્યા છે. જેથી કોઈ પણ વાહનચાલક ટ્રાફિકના નિયમોનો ભંગ કરે તો સીધો ઇ-મેમો તેમના ઘરે પહોંચી જાય. ઈ- મેમોથી બચવા અમદાવાદીઓએ નવા નવા કીમિયા અજમાવ્યા છે.
જેને કારણે પોલીસ અને સીસીટીવી બંને લાચાર બન્યા છે. ઈ-મેમોથી બચવા વાહનચાલકોએ પોતાનાં વાહનની નંબર પ્લેટને વાળી દે છે. તો વળી કેટલાક વાહનચાલક નંબર પ્લેટને અડધી તોડી પણ નાખે છે. ત્યારે વાહનચાલકોના કીમિયાની સામે રસ્તાઓ પર લગાવેલા સીસીટીવી કેમેરા પણ જાણે લાચાર બન્યા છે.
અમદાવાદમાં જાહેર રસ્તા પર ટ્રાફિક વિભાગ દ્વારા સીસીટીવી કેમેરા લગાવાયા
માત્ર પુરુષ વાહનચાલક જ નહીં. મહિલાઓ પણ ઈ -મેમાથી બચવા નંબર પ્લેટને પોતાનાં પર્સ કે દુપટાથી ઢાંકી દે છે. પરંતુ આવા વાહનચાલકો સામે પોલીસ દ્વારા કોઈ કાર્યવાહી કરવામાં આવતી નથી. અમદાવાદમાં જાહેર રસ્તા પર ટ્રાફિક વિભાગ દ્વારા સીસીટીવી કેમેરા લગાવવામાં આવ્યા છે પરંતુ વાહનચાલકોના કીમિયા સામે ટ્રાફિક વિભાગ લાચાર બન્યો છે. ત્યારે આવા વાહનચાલકોને દંડવા ટ્રાફિક વિભાગ દ્વારા કેવાં પગલાં ભરાશે તે જોવું રહ્યું.
આ મામલે ટ્રાફિક ડીસીપી તેજસ પટેલે જણાવ્યું છે કે, વાહનોની નંબર પ્લેટ વાળી દીધી હોય કે કોઈપણ રીતે નંબર પ્લેટ ઢાંકી દીધી હશે તેવા વાહનચાલકો વિરુદ્ધમાં ટૂંક સમયમાં જ ડ્રાઈવ યોજવામાં આવશે. અત્યાર સુધી આવા વાહનચાલકોને ફક્ત દંડ વસૂલીને જવા દેવાતા હતા, પરંતુ હવે તેમની સામે ફોજદારી ગુનો દાખલ કરવામાં આવશે. એચએસઆરપી સરકાર દ્વારા ઈશ્યુ કરવામાં આવેલું ડોક્યુમેન્ટ ગણાય છે, તેથી તેમાં કોઈપણ પ્રકારના ચેડાં કરવામાં આવે તે ગુનો બને છે.