અમદાવાદમાં ટ્રાફિક સમસ્યાને દૂર કરવા માટે ટ્રાફિક પોલીસ દ્વારા નવો એક્શન પ્લાન ઘડવામાં આવ્યો છે. પીક અવર્સમાં શહેરમાં ટ્રાફિકની ઘણી સમસ્યા સર્જાય છે. ત્યારે એક સમય એવો આવે છે જ્યાં એક બાજુ ઓછા વાહનો હોવા છતા પણ. જ્યાં સુધી સિગ્નલનો સમય પૂરો ન થાય ત્યાં સુધી લોકોએ રાહ જોવી પડે છે. ત્યારે હવે ટ્રાફિક પોલીસ દ્વારા આ સમસ્યાને દૂર કરવા માટે સ્માર્ટ સિગ્નલ લગાવવાનો નિર્ણય કર્યો છે. જેમા શહેરના મુખ્ય ટ્રાફિક જંકશન પર સ્માર્ટ સેન્સરવાળા સિગ્નલ લગાવામાં આવશે. આ સિગ્નલ વાહનો ઓછા અને વધાર હશે તે મુજબ સમયમાં બદલાવ કરશે. ટ્રાફિક જંકશન પર આ સેન્સર સિગ્નલ વાહનોની સંખ્યા ઓટોમેટિક જાણી અને જાતે જ સમય સેટ કરશે. જેથી લોકોના સમય બચશે અને ટ્રાફિકની સમસ્યા પણ દૂર થશે.