અમદાવાદ / વ્યાજખોરોએ 5 લાખના 71 લાખ વસૂલ્યા, વધારે માંગ કરતાં નોંધાઇ ફરિયાદ

ફરિયાદી મુજબ વ્યાજખોરોએ પહેલા 10 ટકા વ્યાજે પૈસા આપ્યા હતા અને બાદમાં વ્યાજની રકમ 60 ટકા કરી દીધી હતી. 5 લાખ વ્યાજે લીધા હતા, જેના 71 લાખ ચુકવ્યા હોવા છતાં પણ હજુ વધુ 33 લાખની માંગ કરતાં વસ્ત્રાપુર પોલીસ સ્ટેશનમાં ઘાટલોડિયાના 2 શખ્સો સહિત 4 શખ્સો સામે ફરિયાદ નોંધાવી છે. 

શહેરમાં વ્યાજખોરોના ત્રાસની ઘટનાઓ દિવસે દિવસે વધતી જાય છે. ત્યારે અહિંયા અનેક સવાલ ઉઠી રહ્યા છે કે, શું આવા વ્યાજખોરોને કાયદાનો કોઇ ડર જ નથી? વ્યાજખોરો કેમ મનફાવે તેમ વસૂલી કરે છે? પોલીસ સ્ટેશનમાં અનેક ફરિયાદ નોંધાઇ છે પરંતુ શું પોલીસ કોઇ કડક કાર્યવાહી કરે છે? પોલીસની આ પ્રકારની વસૂલી પર કેમ કોઇ લગામ નથી?