અમદાવાદ: નવા મેયર બીજલ પટેલના પદને લાગ્યું ગ્રહણ ઓફિસ સામે હોબાળો

અમદાવાદના નવા મેયરની ઓફિસ સામે સ્થાનિકોએ હોબાળો મચાવ્યો હતો. મેયર બીજલ પટેલની ઓફિસ સામે પ્રથમ દીવસે જ પાલડી વિસ્તારના લોકોએ તેમની વિરૂદ્ધ સુત્રોચ્ચાર કર્યા હતા. પદ સંભાળતા જ સ્થાનિકોએ સમસ્યાઓને લઈ મેયર સામે રોષ દેખાડ્યો હતો. મેયરના મત વિસ્તારના લોકોનો આક્ષેપ છે કે તેમણે તેના વિસ્તારમાં કોઈ વિકાસના કામો કર્યા નથી. 

મહત્વનું છે કે બીજલ પટેલની વરણીને લઈ વરિષ્ઠ કોર્પોરેટરોમાં પણ નારાજગી જોવા મળી છે. આજે ગુજરાતનાં ત્રણ શહેરો અમદાવાદ સુરત અને ભાવનગરનાં મેયર અને નવી ટર્મનાં સદસ્યોની જાહેરાત કરવામાં આવી હતી. 



જેમાં બિજલ પટેલને અમદાવાદનાં મેયર ડો.જગદીશ પટેલને સુરતનાં અને મનહર મોરીને ભાવનગરનાં મેયર તરીકે નિમણૂંક કરાયાં હતાં. મહત્વનું છે કે અમદાવાદ મ્યુનિસિપલ કોર્પોરેશનનાં અઢી વર્ષની બીજી ટર્મનાં નવા મેયર અને ડેપ્યુટી મેયરની આજે વરણી કરાઈ.

જેમાં મેયર તરીકે બિજલ પટેલ ડે. મેયર તરીકે દિનેશ મકવાણા અને સ્ટેન્ડીંગ કમિટીનાં ચેરમેન તરીકે અમુલ ભટ્ટની નિમણૂંક કરવામાં આવી છે. એટલે કે બિજલ પટેલ અઢી વર્ષની ટર્મ માટે મેયર તરીકે નિમણૂંક થયાં છે.