અમદાવાદના રામોલમાં યુવતી પર દુષ્કર્મની ઘટના, કીર્તિ મોદી નામના વ્યક્તિએ પોતાની ખરાબ તબીયતમાં યુવતી મદદ માટે બોલાવી અને દુષ્કર્મ ગુજાર્યો
રામોલમાં બળત્કારની બની ઘટના
કિર્તી મોદીએ કરી બળજબરી
યુવતિને ધમકી આપી બળાત્કાર કર્યો
અમદાવાદના રામોલમાં રહેતા કીર્તિ મોદીએ પોતાની પરિચિત યુવતીને પોતાની બીમાર પત્નીની સારવાર માટે બોલાવી હતી. માનવતાની રૂએ યુવતી 7 દિવસ માટે કીર્તિ મોદીના પત્નીની સારવાર માટે તેના ઘરે ગઈ હતી. કીર્તિ મોદીએ પોતાની પત્નીની સારવાર માટે આવેલી યુવતીને પહેલા અડપલા કરવાનું ગંદુ કામ કર્યું હતું. યુવતી વારંવાર તેનો વિરોધ પણ કરી રહી હતી.
તો એક દિવસ અચાનક કીર્તિ મોદી સવારના 2 વાગ્યે યુવતી પાસે જઈ અને ધમકી આપી હતી. આરોપી કીર્તિ મોદીએ પોતાના ઘરે આવેલી યુવતીને ઉંઘમાંથી જગાડી ધમકી આપી હતી. અને દુષ્કર્મ આચર્યું હતું. સાથે જો કોઈ વિરોધ કરશે તો, યુવતીની દિકરીને પણ ભોગ બનાવશે. તેવી પણ ધમકી આપી હતી.
યુવતીએ જે આરોપી વિરુદ્ધ ફરિયાદ નોંધાવી તે, એક ટેમ્પો ચાલક 52 વર્ષનો વ્યક્તિ છે. પોતાની પત્નીની સારવાર માટે યુવતીને બોલાવી પોતાની હવસનો શિકાર બનાવ્યો હતો. યુવતીએ સમગ્ર ઘટના રામોલ પોલીસમાં નોંધાવી છે.
યુવતીએ ફરિયાદમાં દર્શાવ્યું છે કે, યુવતી થોડા સમય પહેલા મોદી દંપતીના સંપર્કમાં આવી હતી. સંપર્કમાં આવ્યા બાદ યુવતીને પાડોશમાં રહેતા યુવક સાથે લગ્નની વાત ચલાવવાનું પણ કહ્યું હતું અને તે દરમિયાન કીર્તિ મોદીના પત્નીની તબિયત લથડી હતી. જેની મદદ માટે પહોંચી હતી.