સ્કૂલ ચલે હમ..! દિવાળી વેકેશન બાદ આજથી શૈક્ષણિક કાર્યનો શુભારંભ

અમદાવાદ: દિવાળીના મીની વેકેશન બાદ આજથી કેટલીક સંસ્થાઓમાં શૈક્ષણિક કાર્યનો પ્રારંભ થયો છે. તો કેટલીક ખાનગી શાળાઓમાં હજુ પણ વેકેશન ચાલી રહ્યુ છે. દિવાળી બાદ આજથી શૈક્ષણિક કાર્યનો પ્રારંભ થતાં અનેક શાળાઓના પટાંગણમાં બાળકોનો કિલકિલાટ ગૂંજી ઉઠ્યો. 

પંદર દિવસથી સુનુ પડેલુ સ્કૂલનું પરિસર આજે વિદ્યાર્થીઓની ચહેલ પહેલથી ધમધમી ઉઠ્યુ છે. પણ સરકારે 15 દિવસનું દિવાળી વેકેશન જાહેર કર્યા પછી પણ કેટલીક ખાનગી સ્કૂલો દ્વારા સરકારી નિયમોની અવગણના કરવામાં આવી. 

સુરતમાં અનેક ખાનગી શાળાઓ દ્વારા વેકેશન લંબાવવામાં આવ્યું છે. સુરતમાં ખાનગી શાળાઓએ 21 દિવસનું વેકેશન જાહેર કર્યુ છે. જેના પગલે શિક્ષણ વિભાગે શાળાઓને શો-કોઝ નોટિસ પણ પાઠવી છે. ઉલ્લેખનીય છે કે નવરાત્રીમાં પણ વેકેશન આપ્યું હોવાથી આ વખતે દિવાળી વેકેશનના દિવસોમાં ઘટાડો કરવામાં આવ્યો છે.