ગૌરવ / અમદાવાદની માના પટેલ ઓલિમ્પિકમાં ક્વૉલિફાય થનાર બની ગુજરાતની પ્રથમ સ્વીમર

માનાનું બાળપણ થી જ લક્ષ્યાંક હતું કે તે દેશનું ઓલિમ્પિકમાં પ્રતિનિધિત્વ કરે. સતત મહેનત અને ધગસમાં કારણે માના ઓલિમ્પિક સુધી પહોચી છે ત્યારે આજના ખાસ અહેવાલમાં માના વિષે જાણીએ..

23 જુલાઈએ જાપાનના ટોકિયો માં ઓલિમ્પિક્સ ૨૦૨૧ રમતોત્સવની શરૂઆત થશે. જેમાં ભારતીય યુનિટમાં અમદાવાદની માના પટેલ પણ હશે.. માના પટેલ સ્વીમીંગ ની ૧૦૦ મીટર બેકસ્ટ્રોક ઇવેન્ટમાં ભાગ લેશે. મહિલાઓના સેક્શન માટે માના પટેલ પસંદગી કરવામાં આવી છે. ઈન્ટરનેશનલ ઓલિમ્પિક સમિતિના નિયમ અનુસાર કોઈ દેશનો સર્વોચ્ચ રેન્ક ધરાવતો સ્વિમર નિયમિત ક્વોટાથી ક્વોલીફાઈ ના થઈ શકે તો યુનિવર્સિલાટી ક્વોટામાં તેના નામની ભલામણ કરી શકાય છે. યુનિવર્સાલિટી ક્વોટાના નિયમ અનુસાર જે તે કેટેગરીમાં તે દેશનો કોઈ સ્વિમર ક્વોલીફાઈ ન થયો હોય તો તેના ઓલિમ્પિક સિલેક્શન સમય(બી ટાઈમ)ને ધ્યાનમાં રાખીને ફિના દ્વારા નોમિનેટ કરવામાં આવે છે. માના પટેલના સિલેક્શન સાથે જ તે પ્રથમ ગુજરાતી સ્વીમર બની છે કે જે ઓલિમ્પિક માં ભાગ લેશે.. માના પટેલના સીલેક્સન બાદ સૌપ્રથમ તેમણે VTV સાથે વાતચીત કરતા જણાવ્યું કે ઓલિમ્પિક તેમનું લક્ષ્ય હતું જે આખરે પૂર્ણ થયું છે.

માના પટેલ ઓલિમ્પિક માટે અંતિમ સમય સુધી પસંગી નતા પામી શક્યા. જેના માટે તેમણે પોતાનો શ્રેષ્ઠ સ્કોર આપવો જરૂરી હતો જે તેમણે ઇટાલીમાં યોજાયેલ સ્પર્ધામાં ૧.૦૩.૭૭ નો ૧૦૦ મીટર બેકસ્ટ્રોકનો ટાઈમ આપ્યો, જે ભારતનો પણ શ્રેષ્ઠ સ્કોર છે અને એના જ કારણે યુનિવર્સિલાટી ક્વોટામાં માના પટેલની પસંગી કરવામાં આવી છે. જેના માટે માના સવાર-સાંજ 2-2 કલાક સ્વીમીંગ અને જીમ માં પરસેવો વહાવી રહી છે.. માના પટેલ ના કોચ અને માતા બંને છેલ્લા એક દાયકા કરતા પણ વધારે સમયથી માનાને સામાન્ય સ્વીમરથી ઓલિમ્પિક સ્વીમર બનાવવા માટે મહેનત કરી રહ્યા છે.. જેઓ પણ જણાવે છે કે માના શરૂઆતથી જ ચેલેન્જ ને સ્વીકારીને ચાલતી આવી છે અને તેમણે વિશ્વાસ છે કે તે ઓલિમ્પિક્સ માં પણ સારું પ્રદર્શન કરશે.

માના પટેલ ૨૦૧૦ થી સતત ધગશ સાથે મહેનત કરી રહી છે અને એનું પરિણામ પણ તેને મળ્યું છે અને ઓલિમ્પિક માટે ક્વોલીફાય કરી શકી છે.. આ સાથે જ ટેનીસ સ્ટાર અંકિતા રૈનાની સાથે માના પટેલ ટોકિયો ઓલિમ્પિકમાં ભાગ લેનારી ગુજરાતની બીજી ખેલાડી બનશે. જેને વીટીવી નાં દર્શકો સાથે તમામ દેશ વાસીઓ અપેક્ષા રાખી રહ્યા છે કે તેના શ્રેષ્ઠ થી પણ શ્રેષ્ઠ પ્રદર્શન કરી દેશનું નામ રોશન કરે.