મ્યુનિસિપલ બજેટ / અમદાવાદ-સુરત અને રાજકોટની જનતા પર પડશે મોંઘવારીનો વધુ એક માર! આજે રજૂ થશે 2023-24નું ડ્રાફ્ટ બજેટ

• અમદાવાદ મહાનગરપાલિકાનું વર્ષ 2023-24નું ડ્રાફ્ટ બજેટ
• ડ્રાફ્ટ બજેટમાં અત્યારની સુવિધાઓ વધુ સુદૃઢ બને તેવા પ્રયાસો કરવામાં આવશે
• રાજકોટ અને સુરત મહાનગરપાલિકાનું પણ વર્ષ 2023-24 ડ્રાફ્ટ બજેટ રજૂ કરવામાં આવશે

આજે અમદાવાદ મહાનગરપાલિકાનું વર્ષ 2023-24નું ડ્રાફ્ટ બજેટ કરવામાં આવશે. અમદાવાદ મહાનગરપાલિકાના ડ્રાફ્ટ બજેટમાં અત્યારની સુવિધાઓ વધુ સુદૃઢ બને તેવા પ્રયાસો કરવામાં આવશે. જો કે આ બજેટને કારણે સામાન્ય લોકો પર 200થી 500 કરોડનો કરબોજ પણ લાદવામાં આવી શકે છે. આ સાથે જ આજે રાજકોટ મહાનગરપાલિકાનું અને સુરત મહાનગરપાલિકાનું પણ વર્ષ 2023-24 ડ્રાફ્ટ બજેટ રજૂ કરવામાં આવશે. 

અમદાવાદ મહાનગરપાલિકાનું વર્ષ 2023-24નું ડ્રાફ્ટ બજેટ
જણાવી દઈએ કે અમદાવાદ મહાનગરપાલિકાના આ ડ્રાફ્ટ બજેટમાં શહેરમાં ઘણા બદલાવ કરવામાં આવશે. એ મુજબ શહેરમાં પાણી માટે મીટર મૂકવામાં આવશે. સાથે જ 15 રોડ પર વ્હાઈટ ટોપિંગ રોડ બનાવવામાં આવશે. આ સિવાય ડ્રેનેજ લાઈન 15 વર્ષ સુધી ચાલે તેવાં પગલાં લેવામાં આવશે. આ સાથે શહેરના જૂના બ્રિજ પૂર્ણ કરી નવા બ્રિજનો બજેટમાં સમાવેશ કરાશે, શહેરની સ્વચ્છતા ઉપર વધુ ભાર મુકવામાં આવશે, વોટર હાર્વેસ્ટિંગ માટે વિવિધ સ્થળો પર બનાવવામાં આવશે, સ્ટ્રક્ચર કોર્પોરેશન હસ્તકની બિલ્ડિંગો ઉપર સોલાર પેનલ મુકવામાં આવશે. આ વિકાસ કામનો આજે રજૂ કરવામાં આવતા અમદાવાદ મહાનગરપાલિકાનું વર્ષ 2023-24નું ડ્રાફ્ટ બજેટમાં સમાવેશ કરવામાં આવ્યો છે. 

રાજકોટ મહાનગરપાલિકાનું વર્ષ 2023-24 ડ્રાફ્ટ બજેટ 
અમદાવાદની સાથે સાથે આજે રાજકોટ મહાનગરપાલિકાનું વર્ષ 2023-24નું પણ ડ્રાફ્ટ બજેટ રજૂ કરવામાં આવશે. જણાવી દઈએ કે આ ડ્રાફ્ટ બજેટ અનુસાર રાજકોટવાસીઓએ પાણીમાં ટેક્સનો વધારો ચૂકવવા માટે તૈયાર રહેવું પડશે. રાજકોટ મ્યુનિસિપલ કોર્પોરેશન એટલે કે RMC પાણીનો ટેક્સ 840થી વધારીને 1 હજાર 100 રૂપિયા કરી શકે છે.  આ સાથે જ ઘર દીઠ પાણીના મીટર ફરજિયાત કરવામાં આવે તેવા પણ સંકેત મળ્યા છે.  જણાવી દઈએ કે રાજકોટ મહાનગરપાલિકાનું અંદાજે 2 હજાર 500 કરોડનું બજેટ થશે રજૂ. 

સુરત મહાનગરપાલિકાનું વર્ષ 2023-24 ડ્રાફ્ટ બજેટ 
અમદાવાદ એનએ રાજકોટની સાથે સાથે આજે સુરત મહાનગરપાલિકાનું વર્ષ 2023-24 માટેનું ડ્રાફ્ટ બજેટ રજૂ થશે. જણાવી દઈએ કે પાલિકા કમિશનર શાલિની અગ્રવાલ આજે 7700 કરોડનું બજેટ રજૂ કરશે. આ ડ્રાફ્ટ બજેટમાં નવા વિસ્તારોમાં પાણી, રોડ અને ડ્રેનેજપટેલ માટે કરોડો રૂપિયાની જોગવાઈ કરાશે. સાથે જ બજેટમાં ત્રણ નવા બ્રિજ બનાવવાની પણ જોગવાઈ કરવામાં આવી. આ સતહે જ આવક વધારવા પાલિકા મિલકત વેરામાં વધારો કરી શકે છે. જો આમ થયું તો સામાન્ય લોકોણઆ ખિસ્સા પર બહાર વધી શકે છે.