ટ્રાફિકના નવા નિયમોના અમલીકરણ પહેલાં વાહનચાલકોને HSRP ફિટ કરી આપવા માટે આરટીઓ દ્વારા અનેક વખત કેમ્પનું આયોજન કરવા માટે તૈયારી બતાવવામાં આવતી હોવા છતાં આજે પણ લોકો આ મામલે ઉદાસીન છે RTO અને ડીમ્ડ આરટીઓ સુધી એકલદોકલ ધક્કા ખાતા લોકો સોસાયટી કે ઓફિસ સ્ટાફ સાથે મળીને ઘરઆંગણે કેમ્પ કરીને HSRP લગાવવાના મામલે હજુ પણ આગળ આવતા નથી
HSRP લગાવવા માટેની મુદ્દત સતત સાત વખત વધાર્યા પછી 31 ઓગસ્ટે મુદ્દત પૂર્ણ
સ્પેશિયલ HSRP ડ્રાઇવ યોજવામાં આવશે
તમામ સ્થળે કેમ્પનો સમય સવારના 10થી સાંજના 7સુધીનો રહેશે
સુભાષબ્રિજ અને વસ્ત્રાલ RTO તમારી સોસાયટીમાં આવીને નંબર પ્લેટ લગાવી જશે
લોકોની મુશ્કેલીને જોતાં સુભાષબ્રિજ અને વસ્ત્રાલ RTO તમારી સોસાયટીમાં આવીને નંબર પ્લેટ લગાવી જશે, જે માટે સોસાયટીના વાહન માલિકોએ RC બુકની ઝેરોક્ષ અને ફી સાથે RTOનો સંપર્ક કરવાનો રહેશે. તમામની ફી ભરાયા બાદ નંબર પ્લેટ તૈયાર થઈ ગયા પછી RTO દ્વારા નક્કી કરાયેલા સમયે સોસાયટીના રહીશોની અનુકૂળતાએ તેમના ત્યાં જઈને ફિટ કરી અપાશે.
RTOમાં જરૂરી ફી અને દસ્તાવેજો સાથે રજિસ્ટ્રેશન કોઈ એક વ્યક્તિ દ્વારા કરાવવાનું ફરિજયાત
સોસાયટી કે ઓફિસમાં કામ કરતા કર્મચારી 20 જેટલી સંખ્યામાં હોય તો તે માટે RTOમાં જરૂરી ફી અને દસ્તાવેજો સાથે રજિસ્ટ્રેશન કોઈ એક વ્યક્તિ દ્વારા કરાવવાનું ફરિજયાત છે. તમામ સ્થળે કેમ્પનો સમય સવારના 10થી સાંજના 7સુધીનો રહેશે.
આ ઉપરાંત 29 સપ્ટેબર તથા 2-6 અને 13 ઓક્ટોબરના રોજ વિભાગ દ્વારા સ્પેશિયલ HSRP ડ્રાઇવ યોજવામાં આવશે અને બેકલોગ ઘટાડવામાં આવશે. આ અંગે એઆરટીઓ એસ.એ. મોજણીદારે જણાવ્યું હતું કે નવા નિયમના અમલ બાદ કેમ્પ યોજવા અંગે આરટીઓમાં અરજીઓ આવી રહી છે, પરંતુ એમાં મોટા ભાગની કોર્પોરેટ ઓફિસ હોય છે, સોસાયટીઓની સંખ્યા ઘણી ઓછી છે.
HSRP લગાવવા માટેની મુદ્દત સતત સાત વખત વધાર્યા પછી 31 ઓગસ્ટે મુદ્દત પૂર્ણ
અત્રે ઉલ્લેખનીય છે કે રાજ્યનાં વાહનોમાં ફરિજયાત એચએસઆરપી હોવી જોઈએ. અમદાવાદમાં જ 3 લાખ વાહનમાં નવી નંબર પ્લેટ બાકી છે, જેના માટે RTOની અસુવિધા જ જવાબદાર છે. HSRP લગાવવા માટેની મુદ્દત સતત સાત વખત વધાર્યા પછી 31 ઓગસ્ટે મુદ્દત પૂર્ણ થઈ ચૂકી છે, જેમાં ફરી એક વધારો કરાયો છે.