અમદાવાદ સોલા સિવિલના RMO ડૉ. ઉપેન્દ્ર પટેલ લાંચ લેતા ઝડપાયા છે. રૂપિયા 8 લાખની લાંચ લેતા ACBએ છટકુ ગોઠવીને ઝડપી પાડ્યા છે. કેટરિંગના 4 માસના બિલની ચૂકવણીને લાંચ લઇ માંગી હતી ડૉ. ઉપેન્દ્ર પટેલ અને શૈલેષ પટેલ પર લાંચ માંગવાનો આરોપ લાગ્યો છે. બંને આરોપીઓની ACBએ અટકાયત કરી છે.
સોલા સિવિલના RMO લાંચ લેતા ઝડપાયા
ડૉ. ઉપેન્દ્ર પટેલ લાંચ લેતા ઝડપાયા
રૂ. 8 લાખની લાંચ ઝડપાયા
કોરોના મહામારીને લઇને સોલા સિવિલ હોસ્પિટલમાં દાખલ થયેલા દર્દીઓ માટે પાણી, હોસ્પિટલના સ્ટાફને ચા-નાસ્તો, જમવાનું અને પાણી પુરૂ પાડવા માટે સોલા સિવિલ હોસ્પિટલના સુપ્રિટેન્ડન્ટ દ્વારા ઓર્ડર આપવામાં આવ્યો હતો. જેમાં ડૉક્ટર ઉપેન્દ્ર પટેલ અને શૈલેશ પટેલ પર લાંચ માંગવાનો આરોપ લગાવવામાં આવ્યો છે. અમદાવાદ એ.સી.બી. પોલીસ સ્ટેશનમાં આ અંગે ફરિયાદ નોંધવામાં આવી હતી.
ફરિયાદીએ ફરિયાદ કરી છે કે, કોરોના દરમિયાન ચાર મહિના સુધી ચા-પાણી અને જમવાનું પુરૂ પાડ્યું હતું. જે કેન્ટિન ફેસિલિટિ બાબતે 1,18,00,000 બિલ મંજૂર કરવા માટે પ્રથમ 30 ટકા લેખે લાંચની માંગણી કરી હતી, જોકે રકઝકના અંતે 16 ટકા લેખે 16 લાખની માંગણી કરી હતી. જેમાં ફરિયાદી પાસેથી અગાઉ બે તબક્કે 10 લાખ લઇ લીધા અને બાકીના 6 લાખ અને ફરિયાદીના ભાઇની કેન્ટિનનું ટેન્ડર ત્રણ વર્ષ માટે મંજૂર કરવા બીજા 2 લાખની માંચ માંગી હતી. આમ મળીને કુલ 8 લાખની લાંચની માંગણી કરી હતી. આ લાંચની માંગણી દરમિયાન બન્ને આરોપીઓએ એકબીજાની મદદગારી કરી હતી. જોકે આ બન્ને ACBના છટકામાં ઝડપાયા હતા. બન્ને આરોપીઓને ડીટેઈન કરી કોવિડ-૧૯નો ટેસ્ટ કરાવી ધરપકડની કાર્યવાહી હાથ ધરવામાં આવી છે.