બેદરકારી / અમદાવાદ સોલા સિવિલમાં બાળકો બદલાવા મામલે હોસ્પિટલની બેદરકારી આવે સામે, DNA રિપોર્ટમાં ખુલાસો

• અમદાવાદ સોલા સિવિલમાં બાળકોની અદલી બદલીનો મામલો
• પોલીસને DNA રીપોર્ટ મળતા થયો ખુલાસો
• મહિલા અને દીકરીનો  DNA રિપોર્ટ આવ્યો એક સમાન

અમદાવાદ સોલા સિવિલમાં બાળકોની અદલી બદલીનો મામલે, DNA રીપોર્ટ  સામે આવતા હોસ્પિટલની બેદરકારી સામે આવી છે. મહિલા અને દીકરીનો  DNA રિપોર્ટ  એક જ સમાન આવતા હોસ્પિટલની બેદરકારી સામે આવી છે. મહિલાને પુત્રી જન્મી હોવા છતાં હોસ્પિટલ દ્વારા દીકરાનો જન્મ થયો હોવાની જાણ કરાઇ હતી. જો કે   DNA રિપોર્ટ  સત્ય સામે આવતા હોસ્પિટલનો અણઘડ વહીવટની પોલ ખુલી છે.

શું છે મામલો?

અમદાવાદની સોલા સિવિલ હોસ્પિટલમાં બાળક બદલાય ગયાની વિચિત્ર ઘટના બની હતી. બાળક બદલાયા અંગેની અરજી સોલા પોલીસ મથકે નોંધવામાં આવી છે. બાળકના જન્મ બાદ રાત્રે બાળક બદલાયાનો આક્ષેપ થયા હતો. દિકરાની જગ્યાએ દિકરી આપી હોવાનો પરિવારે આક્ષેપ કર્યો હતો. તેમજ દિકરાનો જન્મ થયો હોવાનું તબિબોએ જણાવ્યું હતું. પરંતુ ત્યારબાદ તબિબોએ દિકરી જન્મી હોવાનું જણાવ્યુ હતું. પરિવારજનોએ કહ્યું કે, અમારે દિકરો હોય કે દિકરી અમને કોઇ વાંધો નથી પરંતુ હોસ્પિટલ દ્વારા બાળકો બદલવામાં આવ્યા છે જેથી અમે આ અંગે પોલીસની મદદ લીધી છે. આ અંગે પરિવારને શંકા જતા સોલા પોલીસ મથકે અરજી નોંધવામાં આવી હતી.

અમદાવાદની સોલા સિવિલ હોસ્પિટલમાં બાળક બદલાયા અંગેની અરજી સોલા પોલીસ મથકે નોંધવામાં આવી, બાળકના જન્મ બાદ રાત્રે દિકરાની જગ્યાએ દિકરી આપી હોવાનો પરિવારે કર્યો આક્ષેપ@AhmedabadPolice @GujaratPolice @GujHFWDept @CollectorAhd #ahmedabad #Gujarat pic.twitter.com/FtUDIN39QW

— VTV Gujarati News and Beyond (@VtvGujarati) July 17, 2020

પરિવારજનોએ આક્ષેપ લગાવ્યો હતો કે, ડૉક્ટરે જ બાળકો બદલ્યા છે. જોકે આ ઘટના બાદ બાળક અને માતાના DNA રિપોર્ટ લેવાયા હતા અને કેસને સોલ્વ કરવાનો પ્રયત્ન કરવામાં આવ્યો છે. સોલા સિવિલ હોસ્પિટલની બેદરકારી સામે આવતાં તંત્રમાં ફફડાટ મચી ગયો હતો. આ મામલે સોલા પોલીસે જણાવ્યું હતું કે, DNA રિપોર્ટ બાદ સાબિત થશે ત્યારબાદ ગુનો નોંધવામાં આવશે અને કાર્યવાહી કરવામાં આવશે.