અમેરિકામાં કોરોનાને પરાસ્ત કરનારા અનેક બાળકોમાં જે બિમારી દેખાઇ હતી તે અમદાવાદ અને ગુજરાતમાં પણ જોવા મળતાં ચિંતા સર્જાઇ છે.
મલ્ટિસિસ્ટમ ઇન્ફલેમેટરી સિન્ડ્રોમ ઇન ચિલ્ડ્રન એટલે MIS-C
અમદાવાદમાં 40-50 બાળકોમાં MIS-Cના લક્ષણો
કોરોના મટી ગયા બાદ ત્રણથી છ અઠવાડિયામાં આ બિમારી થવાની શક્યતા
મલ્ટિસિસ્ટમ ઇન્ફ્લેમેટરી સિન્ડ્રોમ ઇન ચિલ્ડ્રન
અમેરિકામાં કોરોનાને પરાસ્ત કરનારા અનેક બાળકોમાં જે બિમારી દેખાઇ હતી તે અમદાવાદ સહિત ગુજરાતમાં પણ જોવા મળતાં ચિંતા સર્જાઇ છે. કોરોના મટી ગયા બાદ કેટલાક અઠવાડિયામાં કોઇ બાળકોને મલ્ટિસિસ્ટમ ઇન્ફ્લેમેટરી સિન્ડ્રોમ ઇન ચિલ્ડ્રન (એમઆઇએસસી) સામે ઝઝૂમવું પડે છે અને કેટલાક કિસ્સામાં તે જીવલેણ પણ બની શકે છે. અમદાવાદમાં અત્યાર સુધીમાં લગભગ 40-50 બાળકોને એમઆઇએસસી જોવા મળ્યો હોવાનું પિડિયાટ્રિશ્યન્સનું કહેવું છે.
સમયસર સારવાર આપવામાં આવે તો સફળતા મળવાની શક્યતા વધી જાય
ઝાયડસ હોસ્પિટલ્સના પિડિયાટ્રિશિયન ડો. અંકિત મહેતાએ અત્યાર સુધીમાં એમઆઇએસ-સીનો ભોગ બનેલા છ જેટલા બાળકોની સારવાર કરી છે. તેમણે વીટીવી ગુજરાતીને જણાવ્યું હતું કે, કોરોના મટી ગયા બાદ ત્રણથી છ અઠવાડિયામાં આ બિમારી થવાની શક્યતા છે, તેમાં બાળકોને તાવ, ઝાડા ઉલટી, શરીર પર ચકામા અને નબળાઇ જેવા લક્ષણો જોવા મળે છે અને શરીરના મહત્ત્વના અંગોને શરીરના એન્ટિબોડી નુકસાન કરી શકે છે. જો બાળકોને સમયસર સારવાર આપવામાં આવે તો સફળતા મળવાની શક્યતા વધી જાય છે.
ચાઇલ્ડ સ્પેશિયાલિસ્ટ ડો. કિરણ શાહે જણાવ્યું હતું કે પશ્ચિમી દેશોમાં થયેલા સંશોધન મુજબ જે બાળકોને કોરોના થયો હોય તેના લગભગ બે ટકા બાળકોને એમઆઇએસસી થવાની શક્યતા છે. શરીરમાં પ્રવેશેલા કોરોના વાઇરસ સામે લડવા માટે શરીર જે સૈનિકો એટલે કે એન્ટિબોડી બનાવે છે અને વાઇરસને બહાર તગેડી મૂકવા લડે છે. પરંતુ એમઆઇએસ બિમારીમાં આ જ એન્ટિબોડી શરીરના વિવિધ અંગો જેવા કે હ્રદય, લિવર, કિડની, આંતરડા તેમજ અન્ય અંગોને વાઇરસ સમજીને તેના પર હુમલો કરે છે જેથી તે અંગોને નુકસાન થાય છે.
MIS-Cના લક્ષણો સમજો
103થી 105 ડિગ્રી ઊંચો તાવ આવવો
બાળકોને ઝાડા-ઉલટી થવા
બાળકોની આંખો લાલ થવી
શરીર પર ચકામા થવા
નબળાઇ લાગવી
બાળકોને કેમ થાય છે MIS-C?
મલ્ટિસિસ્ટમ ઇન્ફલેમેટરી સિન્ડ્રોમ ઇન ચિલ્ડ્રન એટલે MIS-C
સુરત બાદ અમદાવાદના બાળકોમાં પણ દેખાયા લક્ષણો
અમદાવાદમાં 40-50 બાળકોમાં MIS-Cના લક્ષણો
કોરોના થયો હોય તેવા 2 ટકા બાળકોને MIS-C થવાની શકયતા
કોરોનામાંથી સ્વસ્થ થયાના ત્રણ થી છ અઠવાડિયામાં MIS-C થઇ શકે છે.
કોરોનાના કારણે બાળકોમાં જોવા મળતી શરીરના વિવિધ અંગોને અસર કરતી બીમારી