લાપરવાહી / આમ રસ્તામાં PPE કીટ રખડતી મૂકવાનો શો મતલબ? આ બેદરકારી જીવ લેશે

• અમદાવાદમાં કોરોનાના કેસો ઘટતા તંત્ર થયુ બેદરકાર
• અમદાવાદમાં ફરી જાહેર સ્થળ પર મળી PPE કીટ
• સિંધુ ભવન રોડ પરથી અગાઉ પણ મળી હતી PPE કીટ

અમદાવાદમાં કોરોનાના કેસો ઘટતા તંત્ર બેદરકાર થઇ ગયું હોય તેવું લાગી રહ્યું છે. અમદાવાદના સિંધુ ભવન રોડ પર જાહેર રસ્તા પર કોરોના પીપીઇ કીટ મળી આવી છે. રસ્તા પર પીપીઇ કીટને ફેંકી દેવામાં આવી. ત્યારે પીપીઇ કીટને લઇ સવાલો ઉઠી રહ્યા છે કે આ પીપીઇ કીટ કોણે ફેંકી?. ઘટતા કેસ વચ્ચે આટલી મોટી બેદરકારી કેમ?. શું કીટ ફેંકી તેને કોરોનાના કેસ વધે તેની કોઇ ચિંતા નથી?. તંત્ર દ્વારા પણ કેમ આ બેદરકારીને લઇ કોઇ કાર્યવાહી નથી કરાઇ રહી?

ગુજરાતમાં કોરોનાની સ્થિતિ

938 દર્દી સાજા થયાં અને અત્યાર સુધીમાં કુલ 2,33,660 દર્દીઓ સાજા થયાં છે. તો હાલ 9250 એક્ટિવ કેસ છે. જેમાંથી 61 દર્દીઓ વેન્ટિલેટર પર છે.

ગુજરાતમાં આજે 4 દર્દીના મોત

આજે કોવિડ-19થી 4 દર્દીઓના મોત થવા પર રાજ્યમાં કોરોનાથી મૃત્યુ પામનારાઓની સંખ્યા વધીને 4318 થઇ ગઇ છે. આજે અમદાવાદમાં 2 અને બોટાદ 1, રાજકોટ 1 આમ 24 કલાક દરમિયાન કુલ 4 લોકોના કોરોનાથી મોત થયા છે. ત્યારે છેલ્લા કેટલાક મહિનાઓથી સૌથી વધુ દર્દીઓના અમદાવાદમાં મૃત્યુ થઇ રહ્યા છે.

મહાનગરોમાં કેસ ઘટ્યા! અમદાવાદ શહેરમાં 147 પોઝિટિવ

રાજ્યમાં આજે અમદાવાદ શહેરમાં 146 -ગ્રામ્યમાં 5 કેસ, સુરત શહેરમાં 104-ગ્રામ્યમાં 23 કેસ, વડોદરા શહેરમાં 104-ગ્રામ્યમાં 30 કેસ, રાજકોટ શહેરમાં 51-ગ્રામ્યમાં 25 કેસ, કચ્છમાં 32 કેસ નોંધાયા છે.

ગત 24 કલાક દરમિયાન રાજ્યમાં નોંધાયેલા જિલ્લાવાર આંકડા