સજા / સેશન્સ કોર્ટનો મહત્વનો ચુકાદોઃ અમદાવાદમાં ગુટખા ખાવા બાબતે ઝઘડા બાદ હત્યા કરનારા 3 આરોપીઓને આજીવન કેદ

• અમદાવાદમાં 2019 હત્યા કેસમાં ચુકાદો
• અમદાવાદ સેસન્સ કોર્ટે ફટકારી સજા
• આરોપીઓને આજીવન કેદની સજા

અમદાવાદ હત્યા કેસમાં આરોપીઓને લઈને કોર્ટ દ્વારા મહત્વનો ચુકાદો સંભડાવવામાં આવ્યો. આ કેસમાં આરોપીઓને આજીવન કેદની સજા ફટકારવામાં આવી છે. અમદાવાદ સેસન્સ કોર્ટે આરોપીને સજા ફટકારી છે. વર્ષ 2019માં વાડજમાં વિજય વાઘેલા નામના યુવકની હત્યા થઇ હતી. પૂનમ, રવિ મકવાણા અને બાબુ નામના શખ્સે તે હત્યાને અંજામ આપ્યો હતો.2019માં વાડજમાં બે સગા ભાઈ સહિત ચાર શખ્સોએ નજીવી બાબતના ઝઘડામાં તિક્ષ્ણ હથિયાર વડે વિજય વાઘેલાની મોતને ઘાટ ઉતારી દીધો હતો. ગુટખા ખાવા બાબતે થયેલા આ ઝઘડામાં ખૂની ખેલ ખેલાયો હતો. 

શું હતો સમગ્ર બનાવ
જુના વાડજમાં પરિક્ષીતનગર વિસ્તારમાં રહેતા વિજય વાઘેલા 15 જુલાઈ 2019ના રોજ પુનમ ઉર્ફે ગુગો એમ.મકવાણા, રવિ એમ.મકવાણા, બાબુ અને વિશાલ સાથે ગુટખા ખાવાની નજીવી બાબતે તકરાર થઈ હતી. તે વખતે વિજયના સંબંધી જીવી ચૌહાણ બૂમાબૂમ થતાં  ઘરની બહાર દોડીને આવ્યા હતા. તેમણે જોયું હતું કે બાબુએ વિજયની ફેંટ પકડી હતી અને રવી લાતોથી માર મારતો હતો. બીજી તરફ પુનમે તેની પાસેનો ધારદાર છરો કાઢીને વિજયની છાતીમાં ઉપરા છાપરી ઘા મારી દીધા હતા. મારથી બચવા વિજય ત્યાંથી ભાગવા લાગ્યો હતો. પણ વિશાલે વિજયને  પકડી લીધો હતો અને બાબુએ પુનમના હાથમાંથી તીક્ષ્ણ છરો ઝૂંટવી વિજયની પીઠમાં અને છાતીમાં ઉપરાછાપરી છરાના ઘા માર્યા હતા. દરમિયાન બુમાબુમ થતા આરોપીઓ અહીંથી ભાગી ગયા હતા. જ્યારે સારવાર અર્થે વિજયને સિવિલ હોસ્પિટલ લઈ જવાયો હતો. જ્યાં ડોક્ટરે તેને મૃત ઘોષિત કર્યો હતો. આ અંગે જીવીબહેને પુનમ, રવિ, બાબુ અને વિશાલ વિરૃધ્ધ વાડજ પોલીસ સ્ટેશનમાં ગુનો નોંધાવ્યો હતો. જે બાબતે કોર્ટે આજે 3 આરોપીઓને આજીવન કેદની સજા ફટકારી છે.

હત્યા કેસમાં ન્યુનત્તમ સજા આજીવન કેદ અને મહત્તમ મૃત્યુ દંડ 
કલમ 302, કોર્ટ આજીવન કેદ અથવા મૃત્યુદંડ આપવાનો અધિકાર આપે છે. હત્યાના ગુના માટે ન્યુનત્તમ સજા આજીવન કેદ અને મહત્તમ મૃત્યુ દંડ છે. કોર્ટ કાયદા દ્વારા મહત્તમ ન્યુનતમ સજાને ઘટાડી શકતી નથી. 

આજીવન કેદ એટલે શું?
ઘણા એવું સમજે છે કે આજીવન કેદ એટલે ૧૪ વર્ષ અથવા ૨૦ વર્ષ ની સજા માને છે. પણ IPC ની કલમ 53 માં આજીવન કેદ ની સજા આપેલી છે. આજીવન કેદ એટલે જીવે ત્યાં સુધી ની સજા.

14 વર્ષ વાળો કાયદો શું?
IPC કલમ 55 મુજબ યોગ્ય સરકાર દ્વારા આજીવન કેદ ને ઘટાડી શકાય છે. યોગ્ય સરકાર એટલે કેસ અને કેદ જો રાજ્યમાં હોય તો રાજ્ય સરકાર ઘટાડી શકે અને જો કેન્દ્ર માં હોય તો કેન્દ્ર સરકાર ઘટાડી શકે તેના પર પણ કોર્ટ સુનાવણી કરે છે. પણ આ કલમમાં એવું પણ જણાવ્યું છે કે 14 વર્ષથી નીચે સજા ઘટાડી શકાશે નહીં. તો બીજી તરફ અમુક કિસ્સામાં કેદી ને સજા સાથે દંડ પણ ભરવો પડતો હોય છે. જો કેદી દંડ ભરી ના શકે તો તેને મળેલ સજા ના ચોથા ભાગની વધારાની સજા મળે છે. પણ આ કિસાઆમ એવું પણ સમાસયા સામે આવી કે કેદી કેટલાં વર્ષ જીવશે તે કોઈ જાણતું નથી. આથી આજીવન કેદમાં જો કોઈ દંડની રકમ ન ભરી શકે તો તેણે 20 વર્ષનો ચોથો ભાગ વધારાની કેદ ભોગવવી પડે છે. એટેલે હમેંશા આજીવન કેદની સજાને લઈ અનેક તર્ક લગાવાય છે પણ સચોટ તથ્ય ઉપરોક્ત મુજબ છે. એટલે કે આજીવન કેદ એટલે કેદી જ્યાં સુધી જીવન જીવે ત્યાં સુધીની સજા..