VIDEO / અમદાવાદમાં નબીરા બેફામ! સ્કોડાની અડફેટે એક મહિલાનું મોત અને 3 ઈજાગ્રસ્ત, પોલીસ પર ગંભીર આક્ષેપ

અમદાવાદના મીઠાખળી છ રસ્તા નજીક આવેલા જૈન દેરાસર પાસે શનિવારે સાંજે 6:30 વાગ્યે એક સ્કોડા કારચાલકે પૂરઝડપે કાર ચલાવીને એક એક્ટિવા ચાલક મહિલાને અડફેટે લીધી હતી. જે બાદ અન્ય ત્રણ રાહદારીને અડફેટે લીધા હતા. બાદમાં એક સ્વીફ્ટ કારને ટક્કર માર્યા બાદ કાર આગળ જઈને ઉભી રહી ગઈ હતી. અકસ્માતને પગલે 250 લોકોનું ટોળું ભેગું થઈ ગયું હતું. ટોળાએ કારચાલકને ઝડપી માર માર્યો હતો. તે સમયે કારચાલક દારૂના નશામાં હોવાનું લોકોએ જણાવ્યું હતું.

અમદાવાદમાં ફરી જોવા મળ્યો રફ્તારનો કહેર

HCG હોસ્પિટલ નજીક અકસ્માતમાં રોનક પરીખ નામની મહિલાનું મોત થયું છે. પોલીસ લખેલી કાર આરોપીને છોડાવવા આવી હોવાના પણ આક્ષેપ કરાયા છે. મૃતકના પરિવારે વળતર અને ન્યાય માટે માગ કરી છે. સમગ્ર ઘટનાના પગલે એલિસબ્રિજના ધારાસભ્ય અમિત શાહે ઘટના સ્થળે પહોંચ્યા હતા. પોલીસ પર મામલો દબાવી દેવાનો લોકોએ આક્ષેપ કર્યો છે.

આ પણ વાંચો: કોમી એકતાનું અનોખું ઉદાહરણ, મુસ્લિમ બહેનની દીકરીના લગ્નમાં હિન્દુ મામાએ ભર્યું મામેરૂ

નબીરાઓ બેફામ..!

ચાર પૈડાની ગાડીનું સ્ટીયરિંગ હાથમાં આવી જતા કેટલાક નબીરાઓ બેફામ બની જાય છે. અને પૂરપાટ ઝડપે ડ્રાવિંગ કરવા લાગે છે. ક્ષણવારનો વિચાર પણ નથી કરતા કે અમારી મજા, કોઈ અન્ય માટે સજા ન બની જાય. અમદાવાદ સહિત રાજ્યભરમાં બેફામ ડ્રાવિંગ કરનારા વાહન ચાલકોની કમી નથી. તેવામાં એક્સીલેટર દબાવીને શખ્સો ગાડીની સ્પીડ તો વધારી દે છે. પણ બાદમાં કાર બેકાબૂ થઈ જાય છે અને અકસ્માત જેવી દુર્ઘટના ઘટે છે. જેમાં અનેક નિર્દોષ લોકો ભોગ બને છે. તો કેટલાક પોતાનો જીવ પણ ગુમાવે છે. અમદાવાદમાં ફરી એકવાર આવી જ ઘટના બની છે

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ