પ્રધાનમંત્રી નરેન્દ્ર મોદી દ્વારા 31મી ઓક્ટોબરના રોજ ગુજરાતને સી-પ્લેનની મહામૂલી ભેટ આપવામાં આવી છે. ત્યારે સી-પ્લેનની ઓનલાઇન ટિકિટ બુકિંગમાં ધાંધિયા થઇ રહ્યું હોવાનું સામે આવ્યું છે. ઓનલાઇન ટિકિટ બુકિંગ ન થતા પ્રવાસીઓ બુકિંગ ઓફિસે પહોંચ્યાં હતા.
સી પ્લેનની ટિકિટ મેળવવામાં ધાધિયા
ઓનલાઇન બુકિંગ ન થતાં પ્રવાસી પરેશાન
સી પ્લેનની ટિકિટ દરમાં કરાયો ફેરફાર
પીએમ મોદી દ્વારા મળેલી સી-પ્લેનની ભેટ બાદ દિવાળીના તહેવારને લઇને બુકિંગને લઇને ઘસારો જોવા મળી રહ્યો છે. ઓનલાઇન ટિકિટ બુકિંગ ન થતા પ્રવાસીઓ બુકિંગ ઓફિસ પહોંચ્યાં છે. જેમાં ટિકિટ લેવા આવતા પ્રવાસીઓ દ્વારા ટિકિટ મેળવવામાં વિલંબ થઇ રહ્યો હોવાનું જણાવામાં આવ્યું.
ઓનલાઇન બુકિંગ કરનારા પ્રવાસીઓને બીજા દિવસે ફલાઇટ શિડયુઅલની રાહ જોવી પડે છે. જો કે આ સાથે સી-પ્લેનની ટિકિટના દરમાં પણ ફેરફાર થયો હોવાનું સામે આવ્યું છે.
જેમાં પ્રવાસીઓને પ્રથમ ફલાઇટમાં બેસવા માટે રૂપિયા 1,590 ચૂકવવા પડશે જ્યારે બીજી ફલાઇટમાં બેસવા માટે 2,200 રૂપિયા ચૂકવવા પડશે.