અમદાવાદમાં સંસ્કારધામ કેમ્પસ ખાતે ચાલતી અનંત સ્કૂલને ઓફ એક્સેલન્સે મળ્યો એવોર્ડ, ઈન્ડિયન ક્વોલિટી એશ્યોરન્સ કાઉન્સિલ દ્વારા 1st કેટેગરીમાં એવૉર્ડસ થયો પ્રાપ્ત
ઈન્ડિયન ક્વોલિટી એશ્યોરન્સ કાઉન્સિલ દ્વારા એવૉર્ડ કાર્યક્રમ
અમદાવાદની અનંત સ્કૂલ ઓફ એક્સેલન્સે પ્રાપ્ત કર્યો 1st કેટેગરીનો એવોર્ડ
વડોદરા ખાતે એવોર્ડ કાર્યક્રમમાં 70થી વધુ શાળાઓએ લીધો હતો ભાગ
અમદાવાદમાં સંસ્કારધામ કેમ્પસ ખાતે ચાલતી અનંત સ્કૂલ ઓફ એક્સેલન્સે વધુ એક સિદ્ધિ પ્રાપ્ત કરી છે. આ સ્કૂલને IQAC દ્વારા 1st કેટેગરી-સ્કૂલ એજ્યુકેશન એવૉર્ડસમાં ક્વોલિટી એક્સેલન્સ મોડલ ફોર સ્કૂલ્સ તરીકે એવોર્ડ અપાયો છે. 15 ઓગસ્ટના દિવસે વડોદરા ખાતે શાળાઓને અપાતા એવોર્ડ કાર્યક્રમમાં અનંત સ્કૂલ ઓફ એક્સેલન્સની સિદ્ધિ સાબિત થઈ છે.
વડોદરાના આ કાર્યક્રમમાં 70થી વધુ શાળાઓએ ભાગ લીધો હતો. તમામ શાળાઓએ પોતાના શિક્ષણ વિશે પ્રેઝનટેશન કર્યું હતું. ત્યારે ઈન્ડિયન ક્વોલિટી એશ્યોરન્સ કાઉન્સિલની પસંદગી અમદાવાદની શાળા પર ઉતરી છે. આ કાઉન્સિલ જેને ટૂંકમાં IQAC તરીકે પણ ઓળખવામાં આવે છે. તેમણે 70થી વધુ શાળાઓ પૈકી માત્ર અમદાવાદની અનંત સ્કૂલ ઓફ એક્સેલન્સને 1st કેટેગરી સ્કૂલ એજ્યુકેશન એવોર્ડ આપ્યો હતો.
શું છે IQAC (ઈન્ડિયન ક્વોલિટી એશ્યોરન્સ કાઉન્સિલ)
આ સંસ્થા એક પ્રતિષ્ઠિત અને માન્યતા પ્રાપ્ત કાઉન્સિલનું સંગઠન છે. જે ભારતમાં બિનસરકારી અને બિનનફાકારક રીતે પરિષદના રૂપમાં કાર્યરત છે. આ કાઉન્સિલની સ્થાપના પ્રસિદ્ધ ગવર્નર્સ બોર્ડ સાથે કરવામાં આવી છે. જેમાં રાજ્ય સરકારો અને ભારત સરકારના કુલપતિઓ અને સચિવોનો સમાવેશ થાય છે. જે તમામ શિક્ષણના ક્ષેત્રે એક સારો અનુભવ ધરાવે છે.
અનંત સ્કૂલ ઓફ એક્સેલન્સ શૈક્ષણિક સંસ્થાનો પરિચય
અમદાવાદમાં સંસ્કારધામ કેમ્પસ ખાતે અનંત સ્કૂલ ઓફ એક્સેલન્સ કાર્યરત છે. જેની સ્થાપ્ના શિક્ષકો અને સામાજિક કાર્યકર્તાઓના સમર્પિત અને નિઃસ્વાર્થ પ્રયત્નો દ્વારા કરવામાં આવી છે. અને હાલમાં જ સ્કૂલ એજ્યુકેશન એવોર્ડ જીત્યો હતો. સાથે ઈન્ડિયન ક્વોલિટી એશ્યોરન્સ કાઉન્સિલ પાસેથી માન્યતા પણ પ્રાપ્ત કરી છે.