ધ્યાન રાખજો! / હવે 3 સ્ટાર હોટલોના ફૂડમાં નીકળે છે વંદા, અમદાવાદની આ રેસ્ટોરન્ટમાં થયો અનુભવ

• ઓનલાઇન મંગાવેલ ફૂડમાંથી નિકળ્યો વંદો
• સંકલ્પ હોટલના સંભારમાંથી વંદો નિકળતા ચકચાર

નોંધનીય છે કે, શીતલ સુતરિયા નામની યુવતીએ સંકલ્પમાંથી ઓનલાઈન ઢોંસા મંગાવ્યા હતા. ત્યારે ઢોંસાના સંભારમાંથી વંદો નીકળતા કિસ્સો ટોક ઓફ ધ ટાઉન બન્યો હતો. જો કે AMC દ્વારા સંકલ્પ રેસ્ટોરન્ટમાં ચેકિંગ હાથ ધરવામાં આવ્યું હતું. AMCએ ફૂડના સેમ્પલ લઈને કાર્યવાહી હાથ ધરી હતી.

રાજ્યમાં અવાર નવાર રેસ્ટોરન્ટ કે હોટલોમાંથી જમવામાંથી કંઇને કંઇ મળી આવતા હોય તેવા અહેવાલો છેલ્લા કેટલાક દિવસથી પ્રકાશમાં આવતા હોય છે. લોકોને સ્વાદની સાથે સ્વાસ્થ્ય પણ જોખમાય નહી તેના માટે લોકો ઘણી કાળજી લેતા હોય છે. 

તેમ છતાં હવે સ્વચ્છ અને મોંઘીદાટ હોટલોમાં પણ જીવાત કે વંદા નીકળવાના કેસો સામે આવી રહ્યા છે. ત્યારે તંત્ર સામે પણ કેટલાક સવાલો ઉભા થાય છે. નોંધનીય છે કે, વંદો નીકળવાની ઘટના અંગે ગ્રાહકો પોતાના ફેસબુક એકાઉન્ટ પર તસવીર શેર કરી હતી અને ત્યારબાદ આ મામલો વધુ ચર્ચામાં આવ્યો હતો.