કુલ 42 કરોડના ખર્ચે અમદાવાદ RTO તૈયાર થશે, શનિવારે સીએમ ભૂપેન્દ્ર પટેલ કરશે નવા RTOનું ખાત મુહૂર્ત
રાજ્યની સૌથી મોટી અમદાવાદ RTO મુદ્દે મહત્વના સમાચાર
શનિવારે CM ભુપેન્દ્ર પટેલ નવી અમદાવાદ RTOનું ખાતમુહૂર્ત કરશે
નવી RTOમાં 5 માળની બિલ્ડિંગ તૈયાર કરવામાં આવશે
ગુજરાતની સૌથી મોટી અમદાવાદ RTO છેલ્લા બે વર્ષથી એક કોમર્શિયલ બિલ્ડિંગમાં ચાલી રહી છે પરંતુ જૂની આરટીઓ ખૂબ જ જર્જરિત થતાં રાજ્ય સરકારના માર્ગ મકાન વિભાગ દ્વારા બે વર્ષ પહેલા અમદાવાદ RTOને ખાલી કરીને તોડી પાડવાનો રિપોર્ટ કર્યો હતો. હવે અમદાવાદ RTOને સંપૂર્ણપણે જમીનદોસ્ત કરી દેવામાં આવી છે.
19મી નવેમ્બરના રોજ રાજ્યના મુખ્યપ્રધાન ભુપેન્દ્ર પટેલ નવી અમદાવાદ RTOનું ખાત મુહૂર્ત કરશે. અમદાવાદ RTO કેવી હશે, VTV ન્યુઝ પર તેના પ્રથમ દ્રશ્યો જોઈ શકો છો. અમદાવાદ આંતરરાષ્ટ્રીય એરપોર્ટ જેવો જ અમદાવાદ RTOને લૂક આપવામાં આવ્યો છે.
5 માળની અત્યાધુનિક બિલ્ડિંગ તૈયાર કરાશે
આમ અમદાવાદ એરપોર્ટ જેવી જ RTO કચેરી તૈયાર કરવામાં આવશે. કુલ 42 કરોડના ખર્ચે અમદાવાદ RTO તૈયાર કરાશે તેવી પણ ચર્ચાઓ સચિવાલય અને અમદાવાદ RTOમાં થઈ રહી છે. ઉચ્ચ અધિકારીઓના જણાવ્યા પ્રમાણે અમદાવાદ RTOમાં કુલ બે પ્રકારની રાખવામાં આવી છે. જેમાં એક એડમિનિસ્ટ્રેશન અને એક પબ્લિક ડીલિંગ રાખવામાં આવી છે. નવી RTOમાં પાંચ માળની બિલ્ડિંગમાં તૈયાર કરવામાં આવશે.
નવા 2 ટ્રેક બનશે, લાયસન્સ મેળવવાની લાઈનો ઘટશે
અમદાવાદ ખાતે નવી બની રહેલી RTOમાં 3 નવા ટ્રેક બનશે તેની વાત કરવામાં આવે તો અમદાવાદ RTOમાં નવા લાયસન્સ મેળવવા માટે ટ્રેકમાં એકથી દોઢ મહિનાનો વેઇટિંગ પીરિયડ ચાલી રહ્યો છે, ત્યારે નવી RTO ઓફિસ સાથે 2 નવા ટ્રેક પણ તૈયાર કરવામાં આવશે. જ્યારે જૂના ટ્રેકને પણ કાર્યરત રાખવામાં આવશે. જેથી વેટિંગને કારણે અમદાવાદમાં લાયસન્સ મેળવવાની પ્રક્રિયા મહિનાથી દોઢ મહિના સુધીની છે તેમાં પણ ખાસ્સો ઘટાડો જોવા મળશે.