બ્લન્ડર / લો બોલો! અમદાવાદમાં રૂા.100ના પેમેન્ટમાં ગમે એટલી રકમના ઈ-મેમો ક્લિયર

• સિસ્ટમમાં ભૂલ હતી હવે સોફ્ટવેરમાં સુધારો થશે
• મિનિમમ એમાઉન્ટ રૂા.100 સાથે મેમો ઓનલાઇન થઈ જાય છે
• જૂના મેમોની સંખ્યા 60 હજારથી વધુ હતી

સોફ્ટવેરની ખામીના કારણે મેમોની રકમ હજાર હોય કે પાંચ હજાર ઓન લાઈન પેમેન્ટમાં માત્ર રૂા.100ના ઓનલાઇન પેમેન્ટથી મેમો ક્લિયર થઈ ગયો હતો. માત્ર ત્રણ જ દિવસના અંતે સરકારને લાખો રૂપિયાનો ચૂનો લાગ્યો હોવાનું જણાતાં જૂના મેમો માટેના ઓનલાઇન દંડ સ્વીકારવાનું ગઈ કાલથી બંધ કરાયું છે. 

જૂના મેમોની સંખ્યા 60 હજારથી વધુ હતી

મોટર વેહિકલ એક્ટના ભંગ બદલ મેમો ભરતી વખતે કઇ કલમ હેઠળ કેટલો દંડ થયો તેનો ઉલ્લેખ હોય છે, પરંતુ ઘણી વાર ટ્રાફિક પોલીસ મેમો ફાડે ત્યારે દંડની રકમની સાથે કલમ લખવાનું ભૂલી જાય છે. મિનિમમ એમાઉન્ટ રૂા.100 સાથે મેમો ઓનલાઇન થઈ જાય છે. આવા મેમો મોટી સંખ્યામાં માત્ર અમદાવાદ જ નહીં રાજ્યભરમાં ઓનલાઇન થયા  ત્યારે એક માત્ર અમદાવાદમાં જ આવા જૂના મેમોની સંખ્યા 60 હજારથી વધુ હતી. 

હાલમાં રૂા.100ના દંડની રકમ પરત કરશે અને તેમને વાસ્તવિક દંડ ભરવો પડશે

આ અંગે અમદાવાદ આરટીઓ ( RTO ) બી વી લીમ્બાચિયાએ જણાવ્યું હતું કે આ બાબત સાચી છે. અમે સોફ્ટવેર કંપનીને જાણ કરી છે. સિસ્ટમમાં ભૂલ હતી હવે સોફ્ટવેરમાં સુધારો થશે, પછી જ ઓનલાઇન પેમેન્ટ ચાલુ કરાશે. હાલમાં રૂા.100ના દંડની રકમ પરત કરશે અને તેમને વાસ્તવિક દંડ ભરવો પડશે.