ખાસ વાંચો / RTOમાં પાકા લાઇસન્સની ટેસ્ટને લઇને આવ્યાં મહત્વના સમાચાર

આરટીઓમાં પાકા લાઇસન્સની ટેસ્ટ આપી લાઇસન્સ મેળવવા એપ્લાય કરવું હશે તો સપ્ટેબર પહેલાં એપોઈન્ટમેન્ટ મળી શકે તેમ નથી, કેમ કે તમામ સ્લોટ ફૂલ છે. આરટીઓમાં રોજ ટુ વ્હીલર માટેની ૧પ૦ અને ફોર વ્હીલર માટેની ૧૦૦થી વધુ એપોઈન્ટમેન્ટ ખૂલે છે  ૬૦ દિવસ પછીની એપોઈન્ટમેન્ટ માટે પણ પડાપડી થાય છે અને જૂજ લોકોને જ અેપોઈન્ટમેન્ટ મળી શકે છે.

જો આપનું લર્નિંગ લાઇસન્સ ઓગસ્ટ કે સપ્ટેબરમાં એક્સપાયર થતું હોય તો હમણાંથી જ એપોઈન્ટમેન્ટ મેળવી લો, નહીં તો કાચું લાઇસન્સ એક્સપાયર થઈ ગયાના મહિના પછી પણ એપોઈન્ટમેન્ટ મળવી મુશ્કેલ છે.

ગુજરાતની મોટા ભાગની આરટીઓના નિયમોમાં ધરખમ ફેરફાર કરવામાં આવ્યાે છે, જેમાં મુખ્યત્વે કાચા-પાકા ડ્રાઇવિંગ લાઇસન્સ મેળવવા માટે દોઢ મહિના બાદ એપોઈન્ટમેન્ટ મળે છે તેના બદલે કાચા લાઇસન્સ માટે સાત દિવસ અને પાકા લાઇસન્સની એપાઈન્ટમેન્ટ અને  ડ્રાઇવિંગ ટેસ્ટમાં ટુ વ્હીલર અને ફોર વ્હીલર બંને વાહનચાલકોની સંખ્યા પણ વધારવામાં આવી છે.

સામાન્ય રીતે કાચા-પાકા ડ્રાઈવિંગ લાઈસન્સ માટે ઓનલાઈન એપાઈન્ટમેન્ટ લેવાની હોય છે. આ પ્રક્રિયામાં વેઈટિંગ વધારે હોવાના કારણે આરટીઓમાં ૧૧ દિવસથી લઈ ૩૩ દિવસે એપોઈન્ટમેન્ટ મળતી હોય છે. બીજી તરફ વાહનોની વધતી ખરીદીના કારણે લાઇસન્સ મેળવવા માટે પણ ભારે ધસારો રહે છે.

અમદાવાદમાં ફોર વ્હીલર માટે ઓછામાં ઓછા ર૦ જ્યારે ટુ વ્હીલર માટે ઓછામાં ઓછા ૩૦ સ્લોટ રાખવામાં આવ્યા છે, પરંતુ કોરોનાકાળમાં લોકડાઉંન દરમિયાન બંધ રહેલી કચેરીના કારણે બેકલોગથી વેઇટિંગ વધ્યું છે.