અમદાવાદીઓ આ જરૂર ચેક કરો, રિક્ષામાં મીટર છે ખરું, સરકારે નક્કી કરેલા ભાડા મુજબ ભાડું વસૂલાય છે કે વધુ
મીટર વગરની રીક્ષાઓ સામે થશે કાયદેસરની કાર્યવાહી
અમદાવાદ RTO અને ટ્રાફિક પોલીસ સંયુક્ત ડ્રાઈવ ચલાવશે
વધુ ભાડા લેતા રીક્ષા ચાલકો સામે પણ કાર્યવાહી હાથધરાશે
છેલ્લા કેટલાંક સમયથી પેટ્રોલ - ડીઝલ સાથે સીએનજીના ભાવમાં બેફામ વધારો થયો છે. CNG ના ભાવ વધારાની સૌથી વધુ અસર રીક્ષા ચાલકો પર થઈ છે. અમદાવાદ સહીત રાજ્યની લાખો રિક્ષાને સીધી અસર થઈ છે. અમદાવાદના રીક્ષા ચાલકો 21 નવેમ્બરથી હડતાળ પર ઉતારવા જઈ રહ્યા છે. તે સમયે અમદાવાદ RTO અને ટ્રાફિક પોલીસ સંયુક્ત ડ્રાઈવ ચલાવશે
રિક્ષા ચાલકોએ મીટર રાખવું ફરજિયાત વધુ ભાડું નહી લઇ શકે
આ ડ્રાઈવમાં જો કોઈ મીટર વગરની રીક્ષાઓ પકડાશે તો થશે કાયદેસરની કાર્યવાહી, અમદાવાદ શહેરની અનેક રીક્ષાઓમાં હાલ મીટર નહી જેથી સીએનજી ભાવ વધારાની આડમાં કેટલાય રિક્ષા ચાલકો મન ફાવે તેમ ભાવ લઈ રહ્યા છે. જેથી વધુ ભાડા લેતા રીક્ષા ચાલકો સામે કડક કાર્યવાહી હાથ ધરવામાં આવશે.
અગાઉના આંદોલનનો ફિયાસ્કો થયો હતો
રીક્ષા ચાલકો હવે 21 નવેમ્બર એ રાજ્યવ્યાપી અચોક્કસ હળતાળ કરીને વિરોધ કરવાનું નક્કી કર્યું છે બે દિવસ અમદાવાદના એસોએ વિરોધ કર્યો છે સીએનજીના ભાવ ઘટાડો કરવા અને સરકારે નક્કી કરેલા રીક્ષાભાડાના નિર્ણય ને બદલવાની માંગ સાથે સરકાર સામે આંદોલન કર્યું હતું સરકાર વિરુદ્ધ સૂત્રોચ્ચાર કરીને બે દિવસ આંદોલન કરી પોતાની માંગ સરકાર સમક્ષ મૂકી છે જો કે આ આંદોલનનો ફિયાસ્કો થઈ રહ્યો હોય તેમ રીક્ષા ચાલકાઓના આંદોલનમાં બે ફાંટા પડ્યા છે રિક્ષા ચાલકોના આંદોલનનો મિશ્ર પ્રતિસાદ શહેરમાં જોવા મળ્યો છે શહેરના અનેક વિસ્તારમાં રીક્ષાઓ રાબેદામુજબ શરૂ રહી છે.
શું છે માંગ?
રીક્ષા ચાલક સમિતિમી મુખ્ય માંગ છે કે સીએનજીના ભાવ ઘટાડવા આવે. બીજા રાજ્યોની જેમ કોરોના બાદ આર્થિક સહાય આપવામાં આવે. સમિતિનું કહેવું છે કે પેટ્રોલ ડિઝલમા વેટ ઘટાડીને ભાવ ઘટે તો સીએનજીના ભાવમા કેમ નહિ .. જેથી પ્રતિ કિલો 9 રૂપિયાનો ઘટાડો સીએનજીના ભાવમાં કરવામાં આવે તેવી માંગ કરવામાં આવી છે.
સરકારે કેટલું ભાડું કર્યું છે નક્કી?
હડતાળ મોકૂફ રખાય તે માટે લઘુતમ ભાડું 10થી વધારી 13 અને મિનિમમ ભાડું 18 સુધીનું કરવા નિર્ણય લીધો હતો જો કે સરકારના આ નિર્ણયને રિક્ષાચાલકોએ અસ્વીકાર કર્યો છે.