બિસ્માર હાલત / અમદાવાદના વરસાદમાં ધોવાઇ ગયા વિકાસના વાયદા! મહેમાનો માટે લાલ ઝાઝમ, નાગરિકો માટે ખાડા?

સવાલ એ છે કે શા માટે કોન્ટ્રાક્ટરો સામે પગલા નથી લેવાતા, શું નેતાઓ, અધિકારીઓ અને કોન્ટ્રાક્ટરોની મિલિભગત છે, કોઈ વિદેશી મહેમાન માટે ગણતરીના દિવસોમાં જ રસ્તા બની જતા હોય, રંગરોગાન થઈ જતું હોય તો પછી ઈમાનદારીથી ટેક્સ ભરતી જનતાને શા માટે ખાડામાં ઠોકરો ખાવાનો વારો આવે છે.

• કોણે બદલી અમદાવાદની ઓળખ?
• 2 કલાકના વરસાદમાં હકિકત સ્પષ્ટ થઈ !
• ધોવાઈ ગયા વિકાસના વાયદા
• હેરિટેજનું ગર્વ પણ મુળભૂત સુવિધા ક્યાં?
• મહેમાનો માટે લાલ ઝાઝમ, નાગરિકો માટે ખાડા?

સુભાષબ્રિજથી ચાંદખેડા તરફનો માર્ગ ધોવાયો

અમદાવાદમાં વરસાદના કારણે મોટાભાગના રસ્તોઓ ધોવાયા છે. સુભાષબ્રિજથી ચાંદખેડા તરફનો માર્ગ ધોવાયો છે. સુભાષબ્રિજથી ચાંદખેડાના માર્ગ પર અનેક જગ્યાએ ખાડા પડ્યા છે. સુભાષબ્રિજ-સાબરમતી વચ્ચેના રસ્તા પણ બિસ્માર હાલતમાં છે. પ્રથમ વરસાદ બાદ રસ્તા ધોવાયા છતાં કામગીરી કરવામાં આવી નથી.

સનાથલ ચોકડીથી બોપલ તરફ જતા રસ્તાની હાલત ખરાબ
અમદાવાદમાં વરસાદના કારણે રસ્તાઓ બિસ્માર હાલતમાં જોવા મળી રહ્યાં છે.  રસ્તાઓ પર ઠેર ઠેર ગાબડાંઓ પડ્યા છે. સનાથલ ચોકડીથી બોપલ તરફ જતા રસ્તાની હાલત ખરાબ છે. રસ્તામાં જ્યાં જૂઓ ત્યાં મોટા મોટા ખાડા જોવા મળી રહ્યાં છે. રસ્તા પર ખાડાઓના કારણે વાહનચાલકોને પણ મુશ્કેલી પડી રહી છે. 

સાઉથ બોપલમાં રસ્તાઓ હાલત બિસ્માર

અમદાવાદમાં અનેક વિસ્તારમાં રસ્તાઓ ધોવાઇ ગયા છે. ત્યારે સાઉથ બોપલમાં પણ રસ્તાઓની હાલત બિસ્માર થઇ ગઇ છે. એક વર્ષ પહેલા જ બનેલા રસ્તાઓ ધોવાઇ ગયા છે. અને રસ્તાઓ પર ખાડા પડી ગયા છે. જેના કારણે વાહનચાલકોને મુશ્કેલી પડી રહી છે.

ગોતા નજીક રોડ-રસ્તાઓ બન્યા બિસ્માર

અમદાવાદમાં વરસાદ બાદ રસ્તાઓની હાલત ખરાબ થઇ ગઇ છે. ગોતા નજીક અસ.જી.હાઇવે પર રસ્તાઓ ધોવાઇ ગયા છે. રસ્તાઓ પર ખાડા પડી જતા વાહનચાલકો પરેશાન છે. સ્માર્ટ સિટી અમદાવાદમાં 2 કલાકના વરસાદમાં જ રસ્તાઓ ધોવાઇ જતા મનપાની કામગીરી પર પણ સવાલો ઉઠી રહ્યાં છે.

પશ્ચિમ અમદાવાદમાં રસ્તાઓની હાલત બિસ્માર

અમદાવાદમાં વરસાદના કારણે રસ્તાઓની હાલત બિસ્માર થઇ ગઇ છે. અમદાવાદમાં અનેક રસ્તાઓ ધોવાઇ ગયા છે. રાજપથ ક્લબ, વસ્ત્રાપુર, ગુરુકુળ સહિતના રસ્તાઓ ધોવાઇ ગયા છે. જેના કારણે સ્થાનિકો અને વાહનચાલકોમાં રોષ છે. લોકો અધિકારીઓ અને કોન્ટ્રાક્ટરો સામે પગલા ભરવાની માગ કરી છે. લોકો કહી રહ્યાં છે કે માસ્કનો દંડ વસુલનારું તંત્ર કોન્ટ્રાક્ટરો સામે કાર્યવાહી કરે.