સમસ્યા / અમદાવાદમાં 45 દિવસમાં 35 અકસ્માત, આ રસ્તો અકસ્માતનું એપીસેન્ટર, ગયા એટલે 'ગયા' સમજો

અમદાવાદનો રિવરફ્રન્ટ માર્ગ પણ હવે અકસ્માત ઝોન બની ગયો હોય તેવુ જણાઈ રહ્યું છે, કારણ કે, છેલ્લા 45 દિવસમાં 35 અકસ્માત થયા છે છતાં તંત્ર દ્વારા માત્ર 2 જ સ્પીડ બ્રેકર લગાવામાં આવ્યા છે. અમદાવાદનો રિવરફ્રન્ટ માર્ગ ટ્રાફિક મૂક્ત હતો પરંતુ હવે વાહનોની અવર જવર વધતાં અહીં ટ્રાફિક વધતા અકસ્માતોની સંખ્યા પણ વધી રહી છે. શહેરના પૂર્વ અને પશ્ચિમમાં નદી પાસે આવેલા રિવરફ્રન્ટ માર્ગ પર છેલ્લા 45 દિવસમાં 35 અકસ્માતો સર્જાયા છે જે ગંભીર બાબત છે છતાં પણ તંત્ર દ્વારા નક્કર પગલા લેવાયા નથી.

સ્પીડ બ્રેકરની કામગીરી કોણ કરશે ?

અતિવ્યસ્ત બનેલા રિવરફ્રન્ટ 11 કિમી માર્ગ પર માત્ર બે જ સ્પીડ બ્રેકર લગાવામાં આવ્યા છે. ફોર વ્હીલર અને ટુ વ્હીલરના અકસ્માતો વધ્યા છે. જેનો અભ્યાસ ટ્રાફિક વિભાગ કરી રહ્યું છે પરંતુ આ માર્ગ પર માત્ર બે જ સ્પીડ બ્રેકર મૂક્યા છે, જે કામગીરી સામે પણ સવાલ ઉઠ્યા છે. તો અમદાવાદ મહાનગરપાલિકાની જવાબદારી બને છે કે રોડ પર સ્પીડ બ્રેકર લગાવે, પરંતુ મ્યુ. ડેપ્યુટી કમિશનરનું કહેવું છે કે, ટ્રાફિક પોલીસ દ્વારા જ્યા જરૂર હોય ત્યાં સ્પીડ બ્રેકર મુકવા અમને અભિપ્રાય આપવામાં આવે છે પરંતુ અત્યાર સુધી રિવરફ્રન્ટ પર સ્પીડ બ્રેકર મૂકવા અંગે પોલીસ તરફથી કોઈ અભિપ્રાય મળ્યો નથી

આ પણ વાંચો: 50 લાખ તિરંગાનું થશે વિતરણ, ચાર મહાનગરોમાં નીકળશે તિરંગા યાત્રા: હર્ષ સંઘવીએ જણાવ્યો સાપ્તાહિક પ્લાન

અકસ્માત વધ્યા

અમદાવાદમાં અકસ્માત વધ્યા છે જેની પાછળ બેજવાબદારી પૂર્વક વાહન હંકારતા લોકો તો છે જ પરંતુ ટ્રાફિક પોલીસ અને મનપા દ્વારા તેનો અભ્યાસ કરી યોગ્ય કાર્યવાહી કરવી પણ તેટલી જ જવાબદારી બને છે. અકસ્માત ઝોન બનેલા રિવરફ્રન્ટ માર્ગ પર અકસ્માત રોકવા હવે તંત્ર કેટલું કામ કરે છે તે જોવું રહ્યું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ