ગુજરાતમાં કોરોના મહામારી વચ્ચે ઈન્જેક્શનની કાળાબજારી, અમદાવાદના સોલા વિસ્તારમાં પકડાયેલા રેમડેસિવિરના કેસમાં સુરતના 2 ડોક્ટર્સની ધરપકડ
અમદાવાદમાં રેમડેસિવિર ઇન્જેકશનની કાળાબજારી
ઘોડાસરની સાર્થક કોવિડ હોસ્પિટલના કર્મચારીઓ ઝડપાયા
પોલીસે સુરતના બે MBBS ડૉક્ટર્સની પણ કરી ધરપકડ
અમદાવાદના હાટકેશ્વર સર્કલ પાસે રેમડેસિવિર ઇન્જેકશનની કાળાબજારીનો પર્દાફાશ થયો છે. કાળાબજારી કરનારા કોવિડ હોસ્પિટલના સ્ટાફ સામે કાર્યવાહી કરવામાં આવી છે. ઘોડાસરની સાર્થક કોવિડ હોસ્પિટલના કર્મચારીઓના નામ આ કાળાબજારીમાં સામે આવ્યા છે. મહિલા નર્સ સહિત 3 કર્મચારીઓ સામે કાર્યવાહી કરવામાં આવી છે. દર્દીઓના ઈન્જેક્શન સ્કીપ કર્યા બાદ બજારમાં ઊંચા ભાવે વેચાણ કરતા હોવાનું સામે આવ્યું છે. ક્રાઇમ બ્રાન્ચે લિકવિડ અને પાવડર ફોમમાં ઇન્જેશકન કબજે લીધા છે.
સુરતના 2 MBBSની પોલીસે કરી ધરપકડ
તો બીજી તરફ અમદાવાદના સોલા વિસ્તારમાં પકડાયેલા રેમડેસિવિર ઇન્જેકશનના કેસમાં 2 ડોક્ટર્સની ધરપકડ કરાઈ છે. પોલીસે સુરતના બે MBBS ડોક્ટર્સની ધરપકડ કરી છે. જેમાં મિલન સુતરિયા અને કીર્તિકુમાર દવેની પોલીસ દ્વારા ધરપકડ કરવામાં આવી છે. આ સાથે જુહાપુરાની રૂહી નામની મહિલાની શોધખોળ ચાલુ છે. આરોપીઓએ કુરિયરના માધ્યમથી રેમડેસિવિર ઇન્જેકશન મોકલ્યા હતા.
અમદાવાદમાં કોરોનાની સ્થિતિને લઈ આંશિક રાહત
લાંબા સમય બાદ અમદાવાદમાં થોડા રાહતના સમાચાર દેખાઈ રહ્યા છે. અમદાવાદમાં છેલ્લા થોડાક દિવસોથી કોરોનાના કેસો પણ ઘટી રહ્યા છે અને ગઈકાલથી અમદાવાદ સિવિલ હોસ્પિટલ ખાતે એમ્બ્યુલન્સની લાંબી લાઈનમાં પણ ઘટાડો થયો છે. એટલુ જ નહીં પ્રથમ વખત 50 કરતા વધુ ઓક્સીજન બેડ સીવીલ મેડીસીટી કેમ્પસમાં ખાલી હોવાના પણ સમાચારા સામે આવી રહ્યા છે. આ તમામ દ્વશ્યો જોતા લાગી રહ્યું છે કે જો અમદાવાદ તેમજ ગુજરાતીઓ જો ઘરમાં રહેશે તો કોરોનાની બીજી વેવને આપણે હરાવી શકીશું.
અમદાવાદની સિવિલ હોસ્પિટલના ડોક્ટરો અને મેનેજમેન્ટને અને ખાસ કરીને સુપ્રિટેન્ડેનને જામણે રાત દિવસ જોયા વગત સતત કામ કર્યું અને સિવિલ હોસ્પિટલની બહાર પડી રહેલા એમ્બ્યુલન્સના કાફલાને ઓછો કરવા માટે સતત મહેનત કરી હતી. એક પણ ફરિયાદ વગર સિવિલ હોસ્પિટલની તમામ ટીમો સતત કામ કરી રહી છે અને કદાચ એના કારણે જ આવી મહામારીમાં 80થી 100 એમ્બ્યુલન્સ લાઈનમાં હોવા છતાં તેઓએ હિંમ્મત હાર્યા વગર કામ કર્યું અને કરી રહ્યા છે. જેના લીધે જ સિવિલમાંથી દર્દીઓ જલ્દી રિકવર થઈ ઘરે જઈ રહ્યા છે અને સિવિલમાં આજે 50 કરતા વધુ ઓક્સિજન બેડ ખાલી છે.