અમદાવાદનાં વાતાવરણમાં એકાએક પલટો...ધૂળની ડમરીઓ ઊડ્યાં બાદ વરસાદ શરૂ.
અમદાવાદનાં વાતાવરણમાં પલટો
ધૂળની ડમરીઓ ઊડ્યાં બાદ વરસાદ શરૂ
વાહનચાલકો અને રાહદારીઓને થઈ મુશ્કેલી
અમદાવાદમાં અચાનક વાતાવરણમાં પલટો નોંધાયો છે. એકાએક ઝડપભેર પવન ફુંકાયો છે અને ધુળની ડમરીઓ ઊડવા લાગી છે. અમદાવાદ આસપાસનાં કેટલાક વિસ્તારોમાં ધીમો વરસાદ પણ અનુભવાયો છે. તો અમદાવાદમાં પણ જોરદાર પવન સાથે વરસાદ શરૂ થઈ ગયો છે.વાહનચાલકો અને રાહદારીઓને મુશ્કેલીનો સામનો કરવો પડી રહ્યો છે.
આ વિસ્તારોમાં વરસાદ શરૂ
સાણંદ તાલુકા સહિત અમદાવાદનાં વીજળીના ચમકારા સાથે ફુંકાઈ રહ્યો છે સુસવાટાબંધ પવન. બોડકદેવ, માનસીચાર રસ્તા, ગુરૂકુળ વિસ્તાર, યુનિવર્સિટી, શ્યામલ, પાલડી, વાસણામાં વરસાદ ચાલુ થયો છે.આશ્રમ રોડ, રાણીપ, વાડજ, સાબરમતી વિસ્તારમાં વરસાદ થયો છે. બાપુનગર, મણીનગર, કુબેરનગર, મકરબા, નારોલ, નિકોલ, સરખેજમાં વરસાદ ભારે પવન સાથે શહેરમાં વરસાદ શરૂ થયો.
— VTV Gujarati News and Beyond (@VtvGujarati) March 23, 2023
સાણંદમાં પણ વરસાદ શરૂ
અમદાવાદના સાણંદના ગ્રામ્ય વિસ્તારોમાં વરસાદ શરૂ થયો છે. મોટી દેવતી,નાની દેવતી,પીપળ,મોડાસર સહિતના ગામોમાં વરસાદ છે. છેલ્લા એક કલાકથી ધીમી ધારે વરસાદ પડી રહ્યો છે. કમોસમી વરસાદના કારણે ઘઉંના ઉભા પાકને નુકસાન થઈ રહ્યું છે.
જામનગર-ભાવનગરની સ્થિતિ
જામનગર શહેરનાં વાતારવણમાં અચાનક પલ્ટો આવ્યો છે. ત્યારે વાદળછાંયા વાતાવરણ વચ્ચે કમોસમી વરસાદ વરસવા પામ્યો છે.ભારે પવન સાથે વરસ્યો કમોસમી વરસાદ પડ્યો છે. તો બીજી તરફ ભાવનગરમાં દોઢ ઈંચ વરસાદ પળ્યો છે.
મહેસાણા જિલ્લામાં વાતાવરણ પલટાયું તો ઊંઝામાં પણ વરસાદ શરૂ. જૂનાગઢનાં નાગઢના મેંદરડામાં ભારે પવન અને ગાજવીજ સાથે વરસાદ પડતાં ગ્રામ્ય પંથકમાં માવઠું પડતા પાક નિષ્ફળ જવાની ખેડૂતોને જીરું,ઘઉં સહિતના પાકને નુકસાન થવાની ભીતિ છે. અમરેલીમાં સાવરકુંડલાના ગ્રામીણ વિસ્તારમાં ધોધમાર વરસાદ વરસાદ પડવા પામ્યો છે. ત્યારે ગ્રામ્ય વિસ્તાર વીજપડી, ચીખલી, ખડસલીમાં કમોસમી વરસાદ પડી રહ્યો છે. ધોધમાર વરસાદના કારણે ખેતરોમાં પાણી ફરી વળ્યા છે.