35 લાખના લાંચ પ્રકરણ મામલે અમદાવાદમાં મહિલા PSI વિરુદ્ધ ફરિયાદ નોંધાઇ હતી. SOGએ મહિલા PSI શ્વેતા જાડેજાની અટકાયત કરી હતી. અમદાવાદ ક્રાઇમ બ્રાન્ચમાં આ ફરીયાદ નોંધવામાં આવી હતી. આ PSI દ્વારા બળાત્કારના આરોપી પાસેથી 35 લાખની ખંડણી માંગી હતી. આ ખંડણી અંગેની PSI વિરુદ્ધ ફરિયાદ નોંધાઇ હતી. જેમાં મહિલા PSI સામેના ગુનાની તપાસ SOGને સોંપવામાં આવી છે. ત્યારે આજે મહિલા PSIના 3 દિવસના રિમાન્ડ કોર્ટે મંજૂર કર્યા છે.
મહિલા PSI શ્વેતા જાડેજા દ્વારા ખંડણીનો મામલો
મહિલા PSI શ્વેતા જાડેજાને સેન્સન્સ કોર્ટમા રજૂ કરાઇ
મહિલા PSI શ્વેતા જાડેજાના 3 દિવસના રિમાંડ મંજૂર
અમદાવાદમાં 35 લાખના લાંચ પ્રકરણમાં મહિલા PSI શ્વેતા જાડેજાને આજે સેશન્સ કોર્ટમા રજૂ કરાઇ હતી. નોંધનીય છે કે, PSI શ્વેતા જાડેજા પર દુષ્કર્મના આરોપી પાસેથી 35 લાખના લાંચ લેવાનો આરોપ છે. આ કેસમાં આજે SOG ક્રાઇમે મહિલા PSIને સેશન્સ કોર્ટમા રજૂ કરાયા હતા. પોલીસે કોર્ટમાં 7 દિવસના રિમાંડની માંગ કરી હતી. જોકે કોર્ટે 3 દિવસના રિમાન્ડ મંજૂર કર્યા છે.
શું છે સમગ્ર મામલો?
GSP ક્રોપ સાયન્સ પ્રાઈવેટ લિમિટેડ કંપનીના એમ.ડી. કેનાલ શાહ વિરુદ્ધ વર્ષ 2017માં મહિલા કર્મચારીએ દુષ્કર્મની ફરિયાદ નોંધાવી હતી. આ કેસની તપાસ મહિલા પશ્ચિમ પોલીસ સ્ટેશનના PSI શ્વેતા જાડેજાને સોંપવામાં આવી હતી. ત્યારબાદ મહિલા પોલીસ સ્ટેશનમાં જ પોલીસ સામે આ કેસમાં સાક્ષી બનેલા વ્યક્તિને ધમકાવવા મામલે કેનાલ શાહ વિરૂદ્ધ સેટેલાઈટમાં ફરિયાદ થઈ હતી. આમ બે અલગ અલગ કેસની ફરિયાદ નોંધાવવામાં આવી હતી. જેમાં પીઆઈનો ચાર્જ ધરાવતાં PSI શ્વેતા જાડેજાએ રેપ કેસની તપાસમાં કેનાલ શાહને પાસા હેઠળ પૂરી દેવાનું જણાવી 35 લાખ રૂપિયાની માગણી કરી હતી. જેમાં તેમણે 20 લાખ ચૂકવી દેવાયા હતા પરંતુ 15 લાખ બાકી હતાં. આ માટે કેનાલ શાહે ક્રાઈમ બ્રાન્ચમાં અરજી કરી હતી. જે અંગે તપાસમાં પુરાવા મળતાં PSI શ્વેતા જાડેજા વિરુદ્ધ ફરિયાદ નોંધાઇ હતી. હાલ PSI શ્વેતા જાડેજાના 3 દિવસના રિમાન્ડ મંજૂર કર્યા છે.