લાંચિયા PSIને બચાવવા હવે એક ઉચ્ચ અધિકારી મેદાનમાં આવી ગયા છે. લાંચિયા સસ્પેન્ડેડ PSI શ્વેતા જાડેજાને બચાવવા એક ઉચ્ચ અધિકારીના ગાંધીનગરના આંટાફેરા શરૂ થઇ ગયા છે.
લાંચિયા PSIને બચાવવા હવે એક ઉચ્ચ અધિકારી મેદાનમાં આવી ગયા છે. લાંચિયા સસ્પેન્ડેડ PSI શ્વેતા જાડેજાને બચાવવા એક ઉચ્ચ અધિકારીના ગાંધીનગરના આંટાફેરા શરૂ થઇ ગયા છે. કેટલાક ઉચ્ચ અધિકારીઓ લાંચકાંડને લઇ ગુસ્સે હોવાનું સામે આવ્યું છે. ત્યારે કોલ ડિટેઇલની તપાસ થાય તો અનેક નામ ખુલી શકે છે.
ઉચ્ચ અધિકારી સાથે સસ્પેન્ડેડ PSI શ્વેતા જાડેજાના સંબંધ હોવાનું પણ સામે આવ્યું છે. જેના કારણે શ્વેતા જાડેજા બેખોફ હતા. શ્વેતા જાડેજાને કારણે અધિકારીના અનેક ઓપરેશન ડિસ્ટર્બ પણ થયા છે. અગાઉ મહિલા PSI-ઉચ્ચ અધિકારી સામે ફરિયાદ પણ મળી હતી. જો કે ઉચ્ચ અધિકારીની વગના કારણે કોઇ પગલા નહોતો લેવાયા. જો કે લાંચ મામલામાં ઉચ્ચ અધિકારીએ ન બચાવતા PSI ગુસ્સે હતા. અને ઉચ્ચ અધિકારી સામે પણ ફરિયાદ માટે તૈયાર થઇ ગયા હતા.
શું છે મામલો?
GSP ક્રોપ સાયન્સ પ્રાઈવેટ લિમિટેડ કંપનીના એમ.ડી. કેનાલ શાહ વિરુદ્ધ વર્ષ 2017માં મહિલા કર્મચારીએ દુષ્કર્મની ફરિયાદ નોંધાવી હતી. આ કેસની તપાસ મહિલા પશ્ચિમ પોલીસ સ્ટેશનના PSI શ્વેતા જાડેજાને સોંપવામાં આવી હતી. ત્યારબાદ મહિલા પોલીસ સ્ટેશનમાં જ પોલીસ સામે આ કેસમાં સાક્ષી બનેલા વ્યક્તિને ધમકાવવા મામલે કેનાલ શાહ વિરૂદ્ધ સેટેલાઈટમાં ફરિયાદ થઈ હતી. આમ બે અલગ અલગ કેસની ફરિયાદ નોંધાવવામાં આવી હતી. જેમાં પીઆઈનો ચાર્જ ધરાવતાં PSI શ્વેતા જાડેજાએ રેપ કેસની તપાસમાં કેનાલ શાહને પાસા હેઠળ પૂરી દેવાનું જણાવી 35 લાખ રૂપિયાની માગણી કરી હતી. જેમાં તેમણે 20 લાખ ચૂકવી દેવાયા હતા પરંતુ 15 લાખ બાકી હતાં. આ માટે કેનાલ શાહે ક્રાઈમ બ્રાન્ચમાં અરજી કરી હતી. જે અંગે તપાસમાં પુરાવા મળતાં PSI શ્વેતા જાડેજા વિરુદ્ધ ફરિયાદ નોંધાઇ હતી. હાલ PSI શ્વેતા જાડેજાના 3 દિવસના રિમાન્ડ મંજૂર કર્યા છે.