મોંઘવારીનું પુતળુ બાળીએ ત્યારે સરકારની આંખમાં આંસુ આવે છે, અમારા તમામ રૂમ ચેક એવી રીતે કર્યા જાણે અહી ડ્રગ્સ-દારૂનો ધંધો હોય: કોંગ્રેસ
કોંગ્રેસ નેતા પવન ખેરા અને જગદીશ ઠાકોરની પત્રકાર પરિષદ
પવન ખેરાએ સરકાર સામે કર્યા આકરા પ્રહાર
સત્તા પક્ષની જેમ વિપક્ષનો પણ અવાજ ઉઠાવવાનો ધર્મ: ખેરા
ગુજરાત પ્રદેશ મહિલા કોંગ્રેસ દ્વારા આજે બપોરે મોંઘવારી મુદ્દે વિરોધ પ્રદર્શનનો કાર્યક્રમ યોજવામાં આવ્યો હતો. જેના ભાગ રૂપે પ્રદેશ કાર્યાલયથી મોંઘવારીની નનામી કાઢીને પૂતળાદહનનો જેવા કાર્યક્રમાં મોટી સંખ્યામાં કોંગી મહિલા કાર્યકરો પહોંચી હતી. પણ વિરોધ પ્રદર્શન યોજાય તે પહેલાં જ પોલીસે નનામીને શોધવા તેમજ કાર્યક્રમને રફેદફે કરવા માટેની કામગીરી હાથ ધરી હતી. જેથી જગદીશ ઠાકોર તેમજ પ્રભારી રઘુ શર્મા અને પોલીસ કાફલો થોડી ક્ષણ માટે સામસામે આવી ગયો હતો. કોંગ્રેસે આરોપ લગાવ્યો છે કે, તેઓએ બપોરથી જ કોંગ્રેસ કાર્યાલયમાં અંદર આવી અને સર્ચ ઓપરેશન કર્યું હતું અને કોંગ્રેસના કાર્યક્રમને અસફળ કરવાના પ્રયત્નો પોલીસ દ્વારા કરવામાં આવ્યા હતા.
ઈધણ મામલે સરકાર યુદ્ધના બહાના બતાવે છેઃ પવન ખેરા, AICC પ્રવક્તા, કોંગ્રેસ
જે બાદ AICC પ્રવક્તા પવન ખેરા અને ગુજરાત પ્રદેશ કોંગ્રેસ અધ્યક્ષ જગદીશ ઠાકોરે તાત્કાલિક વિશેષ પ્રેસ કોન્ફરન્સ બોલાવી સરકાર પર પ્રહાર કર્યા હતા. પવન ખેરાએ સરકાર પર વાર કરતાં કહ્યું હતું કે સત્તા પક્ષની જેમ વિપક્ષનો પણ અવાજ ઉઠાવવાનો ધર્મ છે વિપક્ષ પોતાની જવાબદારી ન ઉઠાવે તો જનતા માફ ન કરે આથી જ હવે કોંગ્રેસે મોંઘવારી સામે અવાજ ઉઠાવવાનો શરૂ કર્યો છે. પેટ્રોલ અને ડિઝલના ભાવ દરરોજ વધારાય છે પણ ભાવ વધારા મામલે સરકાર યુદ્ધના બહાના બતાવે છે.
आज अहमदाबाद में हमारी पार्टी मुख्यालय में घुस कर गुजरात पुलिस ने महिला कार्यकर्ताओं के साथ दुर्व्यवहार किया और महंगाई का पुतला फूंकने से रोका।
आख़िर महंगाई के पुतले से इतना प्यार क्यूँ?
आख़िर साहेब को हमारे विरोध से इतना भय क्यूँ? @INCGujarat@RaghusharmaINC@jagdishthakormppic.twitter.com/Aizc2rwbIF
કોંગ્રેસ કાર્યાલયમાં આવીને પોલીસે ગેરવર્તન કર્યુ: પવન ખેરા, AICC પ્રવક્તા, કોંગ્રેસ
વધુમાં પવન ખેરાએ જણાવ્યું હતું કે જબ જબ સાહેબ ડરતા હૈ, પોલીસ કો આગે કરતા હૈ તેવો કટાક્ષ કરતાં ગુજરાત પોલીસને પણ આડેહાથ લીધી હતી. અને કહ્યું હતું કે કોંગ્રેસ કાર્યાલયમાં આવીને પોલીસે ગેરવર્તન કર્યુ. કોઈ કાયદામાં મંજૂરી વગર પરિસરમાં ઘુસવાની પરવાનગી નથી. વિરોધ માટેનું પૂતળુ પણ કોગ્રેસ કાર્યાલયથી આવીને પોલીસ લઈ ગઈ. કોઈના ઘરે ચુલો નથી સળગતો ત્યારે આંખ માંથી આંસુ નથી આવતા પણ મોંઘવારીનું પુતળુ બાળીએ ત્યારે સરકારની આંખમાં આંસુ આવે છે. પોતાના દેશમા સરકારને વિપક્ષથી ખતરો લાગે છે.
CM અને ગૃહમંત્રી કોંગ્રેસના કાર્યકર્તાઓની માફી માંગે: પવન ખેરા, AICC પ્રવક્તા, કોંગ્રેસ
સાથે જ સરકાર પર આરોપ કર્યો હતો કે ગુજરાતમાં લોકતંત્રની હત્યા અમે નહી જોઈ શકીએ, લોકોને ડરાવવા ફાઈલો ખોલવી એ ગાંધીનું ગુજરાત નથી. અમે સત્તામાં હતા ત્યારે વિપક્ષને ક્યારેય દબાવી નથી. અમે આ ઘટનાની નિંદા કરીએ છીએ. CM અને ગૃહમંત્રી કોંગ્રેસના કાર્યકર્તાઓની માફી માંગે તેવી માંગ પણ કરી હતી
કોંગ્રેસ કાર્યકરોના ઘરની બહાર પોલીસ બેસાડી દેવાય છે: જગદીશ ઠાકોર, પ્રદેશ કોંગ્રેસ પ્રમુખ
પ્રદેશ કોંગ્રેસ પ્રમુખ જગદીશ ઠાકોરનું સમગ્ર મામલે નિવેદન સામે આવ્યું છે. તેમણે પોલીસ પર ફરિયાદ નોંધાવવાની વાત કરી છે. તેમણે કહ્યું છે કે પોલીસ કર્મીઓ સામે અમે લીગલ ટીમ મારફતે ફરીયાદ કરીશુ. સેવાદળના કાર્યક્રમમાં પોલીસની ગેરવર્તન પ્રજા જાણે છે. પોલીસ છેલ્લી ઘડી સુધી પરમિશન નથી આપતી તેમજ કોંગ્રેસની રેલીમાં વાહન ચાલકોને લાયસન્સ રદ કરવાની ધમકી આપતી હોવાનો પણ આરોપ લગાવ્યો હતો. અને કોંગ્રેસ કાર્યકરોના ઘરની બહાર પોલીસને બેસાડી દેવાતી હોવાનો ખુલાસો પણ કર્યો હતો. અને પોલીસના ગેરવર્તન અંગે વિરોધ વ્યક્ત કરી કહ્યું હતું કે અમારા પરિસરમાં અમારે કાર્યક્રમ કરવાનો હક છે, અમારા તમામ રૂમ ચેક એવી રીતે કર્યા જાણે અહી ડ્રગ્સ-દારૂનો ધંધો હોય. અમારા મહિલા કાર્યકરો સામે લાકડીઓ ઉંચી કરવામાં આવી. અમે ગાંધીનગર જ નહી દિલ્લી પણ આવીશુ, કોંગ્રેસ આવી કરતૂતો સામે ડરવાની નથી