ડો.તોગડિયાની નારાજગી ચરમસીમાએ ટ્વીટ કર્યા બાદ સંબોધી પત્રકાર પરિષદ

અમદાવાદ: VHPના અધ્યક્ષની ચૂંટણીમાં ફટકો પડયા બાદ ડો.પ્રવીણ તોગડિયાનો આક્રોશ ચરમસીમા પર પહોંચ્યો છે. ત્યારે આજે પ્રવીણ તોગડિયાએ પોતાના આક્રોશને વાચા આપવા એક પત્રકાર પરિષદમાં પોતાની હૈયાવરાળ ઠાલવી હતી. પ્રવીણ તોગડિયાએ 17 એપ્રિલથી અચોક્સ મુદ્દતના ઉપવાસ પર બેસવાની જાહેરાત કરી દીધી છે. તો પત્રકારો સાથેની વાતચીતમાં પ્રવીણ તોગડિયાએ જણાવયું હતું કે સત્તાના બળે સત્ય અને ધર્મને દબાવવામાં આવ્યો છે.

હું RSSને વિવાદમાં લાવવા માગતો નથી પરંતુ હવે સંસ્થા નહીં સમાજના ટેકાથી આગળ વધીશ. પ્રવીણ તોગડિયાએ ચૂંટણી લડવાની કે કોઈ સંગઠન સ્થાપવાનો ઈનકાર કર્યો  હતો. સાથે જ આક્ષેપ કર્યો હતો કે મને બહાર કરવા માટે જ ચૂંટણી યોજવામાં આવી હતી.

ઉલ્લેખનીય છે કે પ્રવિણ તોગડીયા જુથના રાઘવ રેડ્ડીને હરાવીને વિષ્ણુ સદાશિવ કોંકઝેએ જીત મેળવી છે. આજે હરિયાણાના ગુરૂગ્રામમાં યોજાયેલી ચૂંટણીમાં 192 લોકોએ મતદાન કર્યું હતું. જેમાથી વિષ્ણુ કોંકઝેને 131 મત મળ્યા હતા જ્યારે રાઘવ રેડ્ડીને 60 મત મળ્યા હતા.  વિશ્વ હિંદુ પરિષદના ઈતિહાસની પ્રથમ ચૂંટણીમાં પ્રવિણ તોગડીયા અને ભાજપ તથા સંઘ વચ્ચેની ટક્કર હતી. જેથી રાઘવ રેડ્ડીની હારને લઇને પ્રવિણ તોગડીયાના ભાવી પર પ્રશ્નાર્થ સર્જાયો છે. 
 

लाखों कार्यकर्ताओं का आक्रोश मुझ तक पहुँच रहा है। सत्ता के सत्रापों के दमन तले सत्य और धर्म दबाया गया। १०० करोड़ हिन्दू हैं; शान्ति बनाएँ रखें। जो कहना हो लोकतांत्रिक रीति से ही कहिये। जल्द बड़ी घोषणा करुँगा।

— Dr Pravin Togadia (@DrPravinTogadia) April 14 2018

આ સાથે તેમણે એક ટ્વીટ કરીને સમર્થકોને શાંત રહેવા અપીલ પણ કરી હતી સાથે જાહેરાત કરતા જણાવેલ કે આગામી 17 એપ્રિલથી તેઓ અચોક્કસ મુદ્દ્તની હડતાલ પણ બેસવાના છે ત્યારે હવે જોવું જ રહ્યું કે તોગડિયાની નારાજગીના મનામણા થાય છે કે નહીં.