આતંક / અમદાવાદના પ્રગતિનગરને વાનરોએ બાનમાં લીધું, અનેક લોકો પર કર્યા હુમલા, વનવિભાગ કોઈનું સાંભળતું નથી

• અમદવાદમાં દિન-પ્રતિદિન વધતો જતો વાનરનો ત્રાસ 
• ભયના ઓથાર હેઠળ જીવતા પ્રગતિનગરના લોકો
• વાનરોએ 2 અઠવાડિયામાં 5 લોકો પર કર્યા હુમલા

રાજ્યના તમામ શહેરોમાં રખડતા ઢોર, શ્વાન અને ભૂંડના આતંક જાણે આમ બાબત બની ગઈ છે પરંતુ અમદાવાદમાં તો હવે નવો જ મુદ્દો સામે આવ્યો છે. જેમાં લોકો વાનરના આતંકથી પરેશાન થઈ ગયાં છે! આ ત્રાસમાંથી લોકોને ઉગારવા માંગ ઉઠી રહી છે. 

5 લોકો પર વાનરોએ ઘાતકી હુમલો કરી ઘાયલ કર્યા
અમદાવાદ રખડતા ઢોર અને શ્વાનના આતંકની સમસ્યાથી ઘેરાયેલું છે ત્યારે હવે અમદાવાદ જેવા મહાનગરમાં વાનરોનો આતંક વધી ગયો છે. આતંક પણ એવો કે, લોકો ઘરના બારી, બારણા ખુલ્લા નથી રાખી શક્તા. શહેરના પ્રગતિનગર વિસ્તારમાં છેલ્લા બે અઠવાડિયાથી વાનરોનો આતંક વધ્યો છે. રોજ સવાર સાંજ આ વિસ્તારમાં વાનરાઓની ટોળકકીપહોંચી જાય છે. જેને પગલે ઘરના બારી બારણાં તોડવાનો પ્રયત્ન કરે છે. એટલું જ નહીં આ વિસ્તારમાં 5 લોકો પર વાનરોએ ઘાતકી હુમલો કરી ઘાયલ કર્યા હતા.આ હુમલાનો ભોગ બનેલ બે લોકોને ટાંકા આવ્યા હોવાનું પણ સામે આવ્યું છે.  

વનકર્મીઓ આંટો મારીને ખાલી હાથે જતા રહે છે 
આ વિસ્તારમાં વાનરોનો ત્રાસ વધવા પાછળનું એક કારણ એ પણ છે કે, તેમનું પ્રાકૉતિક નિવાસ સ્થાન છીનવી લેવાયું છે. પ્રગતિનગરની બાજૂમાં જ્યાં સ્પોર્ટ્સ સંકૅલ છે.ત્યાં 150 જેટલા વૃક્ષો હતા.પરંતુ વિકાસના નામે તે વૃક્ષોનું નિકંદન કઢાયું છે.તેવામાં રહેણાકની જગ્યાને સાથે-સાથે ખોરાક પણ છીનવાયો છે. કારણ કે, વાનરો મોટા ભાગે ફળો અને વૃક્ષોની કૈપણો ખાતા હોય છે પરંતુ વૃક્ષોના નિકંદન પછી ખોરાક માટે વાનરો આ વિસ્તારમાં ઘરો સુધી પહોંચી જાય છે.જેના કારણે લોકો પર હુમલાની ઘટના વધી ગઈ છે..બીજી તરફ વન વિભાગ પણ કોઈ કાર્યવાહી નથી કરી રહ્યું જેના કારણે લોકો પરેશાન થઈ ગયા છે.

વાનરોના ત્રાસથી નાના બાળકોથી લઈને તમામ લોકોમાં ડરનો માહોલ છે. તેવા સંજોગો વચ્ચે વાનરોનો ત્રાસ દૂર થાય તે માટે વન વિભાગ પગલાં ભારે તેવી શહેરીજનો માંગ ઉઠાવી રહ્યા છે.