અમદાવાદમાં પોપ્યુલર બિલ્ડર ગ્રુપની 27 જગ્યાએ IT વિભાગે દરોડા પાડ્યા હતા. સવારના 8 વાગ્યાથી ઓફિસ-નિવાસસ્થાને ITએ મેગા સર્ચ ઓપરેશન હાથ ધર્યું હતું. જેમાં પોપ્યુલર ગ્રુપ અંગે ITને મોટી સફળતા મળી છે. મહત્વનું છે કે, પુત્રવધુને સમાધાનના 2.5 કરોડ આપ્યા બાદ પોપ્યુલર બિલ્ડર પરિવાર ITના રડારમાં આવ્યો છે. હવે ઈન્કમટેક્સ વિભાગ દ્વારા અમદાવાદના જાણીતા પોપ્યુલર બિલ્ડરના ઘરે અને ઓફિસ પર સર્ચ ઓપરેશન હાથ ધરાયુ હતું.
અમદાવાદમાં પોપ્યુલર બિલ્ડર પર ITના દરોડા મામલો
એક રૂમ ભરીને જમીનના દસ્તાવેજો અને બાનાખત મળ્યાં
પોપ્યુલર ગ્રુપ અંગે ITને મોટી સફળતા મળી
અમદાવાદમાં પોપ્યુલર બિલ્ડર્સને ત્યાં ITએ દરોડા પાડ્યા હતા. જેમાં ITએ રમણ પટેલના નિવાસ સ્થાને દરોડા પડ્યા હતા. શિવરંજની સ્થિત નિવાસ સ્થાન અને થલતેજમાં સર્ચ ઓપરેશન હાથ ધર્યું હતું. મહત્વનું છે કે, ઘરેલુ હિંસાના કેસમાં સમાધાન માટે 2.5 કરોડ આપ્યા હતા. કરોડો રૂપિયાની ઓફરને લઈને ITએ તપાસ શરૂ કરી છે. બિલ્ડર્સ પાસે બેનામી મિલકત અને રોકડ હોવાની માહિતી મળી હતી. જેના આધારે રાજકોટ, વડોદરા અને અમદાવાદની ટીમે દરોડા પાડ્યા હતા. ITના દરોડા દરમિયાન કરોડોના દસ્તાવેજો અને બાનાખત મળી આવ્યા છે. જેમાં એક રૂમ ભરીને જમીનના દસ્તાવેજો અને બાનાખત મળ્યાં છે.
ITએ પોપ્યુલર ગ્રુપના 3 ખાનગી એડ્રેસ શોધી કાઢ્યા
પોપ્યુલર ગ્રુપ અંગે ITને મોટી સફળતા મળી છે. ITએ પોપ્યુલર ગ્રુપના 3 ખાનગી એડ્રેસ શોધી કાઢ્યા હતા. જેમાં ભરત પટેલની માલિકીના એડ્રેસ ઉપર ડોક્યુમેન્ટનો ઢગલો મળ્યો હતો. 3 ખાનગી એડ્રેસ અંગે ઇન્કમટેક્સે મૌન રાખ્યું છે. પોપ્યુલર ગ્રુપ સાથે કનેકશન વાળા 3 મોટા માથાને ત્યાં પણ તપાસનો ધમધમાટ શરૂ કરવામાં આવ્યો છે. જેમાં લક્ષ્મણ વેકરીયા, અંકિત પ્રજાપતિ અને પરસોત્તમ પંડ્યાને ત્યાં પણ તપાસ ચલાવવામાં આવી રહી છે. 24 જગ્યા ઉપર દરોડા બાદ વધુ 3 જગ્યા પર તવાઈ હાથ ધરાઇ છે.
પોપ્યુલર ગ્રુપના 14 બેન્ક લોકર સીલ
પોપ્યુલર ગ્રુપના 14 બેન્ક લોકર અને કોમ્પ્યુટર, લેપટોપમાં રહેલો ડેટા સીલ કરી દેવામાં આવ્યો છે. પોપ્યુલર ગ્રુપના 3 ખાનગી એડ્રેસ પર તપાસ ચાલી રહી છે. પોપ્યુલર ગ્રુપના કુલ 27 સ્થળોએ તપાસ ચાલી રહી છે. રોકડ અને ઝવેરાતની પણ તપાસ ચાલી રહી છે. તપાસના અંતે કરોડોનો બિનહિસાબી નાણા મળે તેવી સંભાવના છે.
પ્રથમ વખત ITએ PPE કિટ પહેરીને કર્યા દરોડા
IT રેડ દરમિયાન કોરોનાની અસર દેખાઈ હતી. પ્રથમ વખત અધિકારીઓએ PPE કિટ પહેરીને દરોડા કર્યા છે. 27 સ્થળે દરોડા દરમિયાન PPE કિટનો ઉપયોગ કર્યો હતો.