અકસ્માત / દૂર્ઘટના: અમદાવાદ વાડજમાં ભેખડ ધસી પડતા એક મજૂરનુ મોત થયુ

• જુના વાડજમાં ભેખડ ધસી પડી
• દુર્ઘટનામાં એક શ્રમિકનું મૃત્યુ
• પાઇપ લાઇનના કામ દરમિયાન દુર્ઘટના

જુના વાડજમાં ભેખડ ધસી પડતાં એક મજૂરનું મોત થયું છે. ભેખડ ધસતા 10 ફૂટ અંદર મજૂર દટાયો હતો જેને ફાયરની ટીમે ભારે મહેનત બાદ બહાર કાઢ્યો હતો. તાત્કાલિક તેને સારવાર અર્થે સિવિલ હોસ્પિટલ લઈ જવાયો હતો જ્યાં તબીબોએ તેને મૃત જાહેર કર્યો હતો. 

વાડજ પોલીસે ઘટના સ્થળે પહોંચી કાર્યવાહી હાથ ધરી

પાણીની પાઇપ લાઇનનું ચાલતું કામ ચાલતુ હતુ જ્યાં કામ કરી રહેલ મજૂપ ભેખડ ધસી પડતા દટાયો હતો. તુંરત જ અધિકારીઓનો કાફલો ઘટના સ્થળે પહોંચ્યો હતો. 10 ફૂટ ઉંડા દટાયેલા મજૂરને ફાયરની ટીમે બહાર તો કાઢ્યો પણ મજૂરનો જીવ બચાવી નહોતો શકાયો. વાડજ પોલીસે ઘટના સ્થળે પહોંચી કાર્યવાહી હાથ ધરી છે. 

અમદાવાદના જુના વાડજમાં ભેખડ ધસી પડતાં એક શ્રમિકનું મૃત્યુ#Ahmedabad #Gujarat

— VTV Gujarati News and Beyond (@VtvGujarati) December 15, 2020