અમદાવાદમાં 260 કરોડ રૂપિયાનું કૌભાંડ કરીને વિનય શાહ અને ભાર્ગવી શાહ ફરાર થયા હતા.. પોલીસને વિનય શાહની કથિત સ્યુસાઈડ નોટ મળી આવી હતી.. આ સ્યુસાઈડ નોટમાં ગુડ એમ્પ્લોય તરીકે પુજા શાહનુ નામ લખવામાં આવ્યુ. ત્યારે વીટીવીની ટીમે પૂજા શાહ સાથે વાત કરી હતી.
આ દરમિયાન પુજા શાહે જણાવ્યું કે હું કંપનીમાં સારા કર્મચારી તરીકે કામ કરતી હતી અને વિનય શાહના કૌભાંડ મામલે મને કઈ પણ જાણ નથી.
આ સાથે જ પૂજાએ જણાવ્યુ કે આ સ્કીમમાં 70થી 80 હજાર લોકો જોડાયા હતા. દરરોજ 3 લાખ જેટલી આવક થતી હતી. આ ઉપરાંત પૂજાએ કહ્યુ કે વિનય શાહની પત્ની ભાર્ગવી શાહને કંપની વિશે કઈ પણ જાણકારી ન હતી. પોલીસને સૌપ્રથમ ભાર્ગવી શાહને શોધવી જોઈએ.
તો કોણ છે દંપતી અને કેવી રીતે મચાવી સમાજમાં સનસનાટી?
ફરિયાદીના જણાવ્યા અનુસાર આરોપીએ વર્લ્ડ ક્લેવરેક્ષ સોલ્યુસન નામની કંપની ખોલી હતી. જેના નીચે www.archercare.net અને www.archercare.org નામની બે પેટા કંપની ખોલી હતી. આ કંપનીમાં લોકોને મેમ્બર બનાવવામાં આવતા હતા. તેમના અલગ-અલગ આઈડી અને પાસવર્ડ આપવામાં આવતા હતા. આ આઈડી ખોલી તેમને માત્ર જાહેરાત જોવાનુ કામ હતુ અને જે મેમ્બર જાહેરાત જોવે તેમના વેબસાઈટ પર રુપિયા જમા થતા હતા.
ત્યારબાદ એકાઉન્ટમાં ટ્રાન્સફર થતા હતા. તેની સાથો સાથ અલગ-અલગ ત્રણ સ્કીમો પણ આપવામાં આવી હતી. આ આઈડી મેળવવા માટે 4500 9500 અને 25000ની સ્કીમ લેવુ ફરજિયાત હતુ.
જે મેમ્બર 4500નું લે તેમને 10 મહિના રકમ ડબલ અને 400વાર તેમની જાહેરાત પણ વેબસાઈટ પર ચાલશે. 9500નુ સ્કીમ રાખે તો 12 મહિનામાં રકમ ડબલથી વધારે અને 900 વાર તેમની જાહેરતા ચાલે. 25000નુ સ્કીમ લેવા પર 14 મહિનામાં 72 હજાર અને 2500 વાર જાહેરાત ચલાવવાની વાત કરી હતી.
નોંધનીય છે કે મેમ્બરને જાહેરાત જોવાના ચલાવવા અને કમિશનની સાથે રકમ ડબલ કરવાની સ્કીમ આપવાની વાત કરવામાં આવી હતી. ફરિયાદીનો આક્ષેપ છે કે આરોપીઓએ લોકોને મોટી-મોટી મલ્ટિનેશનલ કંપનીનુ જાહેરાત તેમની પાસે આવે છે તેમ કહી છેતરતા હતા.