અમદાવાદ ટ્રાફિક પોલીસ બાદ શહેર પોલીસે પણ અપનાવ્યો અનોખો અભિગમ, હવે પોલીસ પ્રત્યે નેગેટિવિટી ન ફેલાય તેના પર કરશે કામ
સોશિયલ મીડિયામાં પોલીસ થશે સક્રિય
નેગેટિવિટી રોકવા થશે સક્રિય
ફીડબેક પર પણ કામગીરી કરશે
અમદાવાદ ટ્રાફિક પોલીસ બાદ હવે શહેર પોલીસ પણ સોશિયલ મીડિયામાં સક્રિય થઈ રહી છે. મહત્વનું છે કે આજના સમયમાં સોશિયલ મીડિયા થકી નાના થી લઇ યુવાનો અને મોટી ઉમરના લોકો પણ સક્રિય રહેતા હોય છે અને તેમાં પણ પોલીસના નેગેટિવ વીડિયો તેમજ વાતો વધુ વાઇરલ થતાં હોય છે જેનાથી અમુક સમયે પોલીસની છબી ખરડાતી હોય છે ત્યારે પોલીસે આવી નેગેટિવિટી ફેલાઈ નહિ તેને લઈને દરેક પોલીસ કર્મીઓ અને અધિકારીઓને વધુમાં વધુ સોશિયલ મીડિયામાં એક્ટિવ રહેવા સૂચના આપી છે. પોલીસના ઓફીસિયલ ગ્રુપ એટલે કે ઇંસ્ટાગ્રામ, ટ્વીટર, ફેસબુકમાં બનાવવામાં આવેલા ગ્રુપમાં પોલીસની સક્રિય અને હકારાત્મક કામગીરીઓ લોકો સુધી પહોંચાડવામાં આવશે.
સોશિયલ મીડિયામાં સક્રિય ટ્રાફિક પોલીસ
મહત્વનું છે કે સૌ પ્રથમ અમદાવાદ ટ્રાફિક પોલીસ દ્વારા આ પ્રમાણે સક્રિય અને હકારાત્મક કામગીરી સોશિયલ મીડિયા પર મૂકવામાં આવતી હતી તેજ રીતે હવે અમદાવાદ શહેર પોલીસ દ્વારા પણ લોકોને જરૂરી માહિતીઓ પહોંચે તેમજ પોલીસની કામગીરી અંગે જાણ થાય તેવા પ્રયત્નો કરવામાં આવી રહ્યા છે.
વાહનચાલકોને તડકામાં ઊભું રહેવું મુશ્કેલ
અદાવાદ શહેર પોલીસ દ્વારા શહેરજનો માટે રાહત આપતો નિર્ણય લેવાની છે. પોલીસ અધિકારીઓના અભિપ્રાય બાદ બપોરના સમયગાળા દરમિયાન સિગ્નલ બંધ રાખવામાં આવશે. હાલ અમદાવાદ સહિત રાજ્યભરમાં ઉનાળાએ આકરૂ રૂપ ધારણ કર્યું છે.ઉનાળો ચરમસીમાએ હોવાથી બપોર 1 વાગ્યા પછી ગરમીનુ પ્રમાણ અત્યંત વધી રહ્યું છે.આથી વાહન ચાલકોને તડકામા સિગ્નલ પર ઊભા રહેવામાં ભારે મુશ્કેલીનો સામનો કરવો પડી રહ્યો છે. આ આકરા તાપમાં લૂ લાગવી, હીટ વેવની અસરના કારણે સ્વાસ્થ્ય પર પ્રતિકુળ અસર થઈ શકે છે.જેથી ટ્રાફિક પોલીસે બપોરના સમયમા સિ્ગનલ બંધ રાખવાને લઈને અભિપ્રાય મેળવ્યા છે. અને અભિપ્રાય બાદ ટુંક સમયમા સિગ્નલ બંધ રાખવાનો નિર્ણેય લેવામા આવશે.તેમ પોલીસ વિભાગ દ્વારા સત્તાવાર રીતે જાહેર થવા પામ્યું છે. ટ્રાફિક નિયમનની કડક અમલવારીની વચ્ચે ટ્રાફિક પોલીસે માનવતાભર્યો નિર્ણેય લેતા શહેરીજનો આવકારી રહ્યા છે.
વાહનોમાં બ્લેક ફિલમ અંગેના સૌથી વધુ કેસ
અમદાવાદ શહેરમાં ટ્રાફિક ડ્રાઈવ દરમિયાન કારમાં બ્લેક ફિલ્મ અને ટુ-વ્હીલરમાં સાયલેન્સ મોડીફાય કરનારા ચાલકો સામે પોલીસે કાર્યવાહીની ઝૂંબેશ યોજી હતી. આ ડ્રાઈવમાં બ્લેક ફિલમ લગાવી વાહન ચલાવવા મામલે 1617 કેસ કરવામાં આવ્યા છે જેમાં કારચાલકોને 8.30 લાખ રૂપિયાનો દંડ કરાયો છે. બીજી તરફ ટુ-વ્હીલરમાં સાયલેન્સર મોડીફાય કરીને ધ્વની પ્રદુષણ ફેલાવતા 163 વાહનચાલકો સામે દંડની કાર્યવાહી કરવામાં આવી હતી. જેમાં 1.34 લાખ રૂપિયાનો દંડ કરવામાં આવ્યો છે. મહત્વનું છે કે કારમાં બ્લેક ફિલ્મ રાખવાનાં સૌથી વધુ 461 કેસ અને સાયલેન્સર મોડીફાયનાં સૌથી વધુ 91 કેસ પશ્ચિમ વિસ્તારમાં નોંધાયા છે. આમ બ્લેક ફિલ્મ લગાવનાર અને મોડીફાઇડ સાયલન્સર ઝુંબેશમાં 1780 વાહન ચાલકો સામે દંડાત્મક કાર્યવાહી કરવામાં આવી છે.