મેગા સિટી અમદાવાદમાં દિવસેને દિવસે ક્રાઇમનો ગ્રાફ વધી રહ્યો છે. ક્રાઇમ રોકવા માટે પોલીસ પાસે પુરતો સ્ટાફ જ નથી. દિવાળીને હવે ગણતરીના દિવસો બાકી રહ્યા છે ત્યારે ચોરી-લૂંટ, મારામારી જેવા ગંભીર પ્રકારનાં ગુનાઓમાં વધારો થાય તેવી શક્યતા દેખાઇ રહી છે.
શહેરમાં 48માંથી માત્ર 39 પોલીસ સ્ટેશનમાં સેકન્ડ પીઆઇ નથી
રાજ્યભરમાં 450 કરતાં વધુ પીઆઇની અછત
પોલીસ સ્ટાફ ઓછો અને કામ વધારે
48માંથી 9 પોલીસ સ્ટેશનમાં જ સેકન્ડ પીઆઇ
તહેવારની સિઝન છે ત્યારે પોલીસ પર કામનું ભારણ વધ્યું છે. શહેરમાં કુલ ૪૮ પોલીસ સ્ટેશન છે, જ્યાં ૯૬ પીઆઇ હોવા જોઇએ તેની જગ્યાએ પ૮ પીઆઇ હાજર છે, જ્યારે ૪૦ સેકન્ડ પીઆઇની જગ્યાઓ ખાલી છે. શહેરમાં માત્ર 9 પોલીસ સ્ટેશન એવા છે જ્યાં સેકન્ડ પીઆઇ છે. જેમાં વસ્ત્રાપુર, સોલા, કારંજ, શહેરકોટડા, દરિયાપુર, બાપુનગર, રામોલ, વટવા
અને દાણીલીમડામાં જ સેકન્ડ પીઆઇ છે.
સ્ટાફ ઓછો છતાં કામગીરી કરવા દબાણ
શહેર અનેક ગુનાં બની રહ્યાં છે તેમાંથી ઘણાં ગુના વણ ઉકેલાયેલા છે. એક તરફ સ્ટાફ ઓછો અને ગુના વધુ હોવા છતાં ઉચ્ચ અધિકારીઓ સ્થાનિક પોલીસ ઇન્સપેક્ટર પર ગુના ઉકેલવા માટે દબાણ કરતાં હોય છે. ત્યારે સ્વાભાવિક છે કે સ્ટાફ ઓછો હોવાના કારણે કામગીરી પર તેની અસર પડે. આ જ વાત હાલ શહેર પોલીસ ઇન્સ્પેક્ટર કહી રહ્યા છે. ઘણાં વર્ષથી ચાલતી શહેરનાં તમામ પોલીસ સ્ટેશનમાં બે પોલીસ ઇન્સ્પેક્ટરની પ્રથા પણ હવે ધીમે ધીમે ભૂંસાતી જાય છે.
રાજ્યમાં 450 કરતા વધુ પીઆઇની અછત
ક્રાઇમ રેટને ઘટાડવા માટે દિવસે ને દિવસે નવાં નવાં પોલીસ સ્ટેશન બનાવવામાં આવે છે. જોકે પોલીસ સ્ટેશન તો બની રહ્યાં છે પણ સ્ટાફની અછત પર કોઇ ધ્યાન અપાઇ રહ્યું નથી. રાજ્યભરમાં ૪પ૦ કરતાં વધુ પોલીસ ઇન્સ્પેક્ટરની અછત છે. અમદાવાદનાં ૪૮ પોલીસ સ્ટેશન પૈકી ૪૦ પોલીસ સ્ટેશનમાં સેકન્ડ પોલીસ ઇન્સ્પેક્ટર તરીકે કોઇની નિમણૂક કરવામાં આવી નથી.
પોલીસની હાલત કફોડી
રાજ્યના પોલીસવડા શિવાનંદ ઝા અસરકારક કામગીરી કરવા અવારનવાર સૂચનાઓ આપી રહ્યા છે પણ પોલીસની હાલત કામનાં ભારણનાં લીધે કફોડી બનતી જાય છે.
સેક્ટર-૧ એટલે પશ્ચિમ વિસ્તારમાં ર૬ પોલીસ સ્ટેશન આવે છે, જેમાં માત્ર ર૯ પીઆઇ છે, જ્યારે સેકટર-ર એટલે પૂર્વ વિસ્તારમાં રર પોલીસ સ્ટેશનમાં માત્ર ર૭ પીઆઇ છે.