ફરિયાદ / અમદાવાદમાં 14 વર્ષની સાળી પર નરાધમ જીજાજીએ 5 મહિના દુષ્કર્મ આચર્યું, બહેનને ખબર પડતાં ભાંડો ફુટ્યો

• ઇસનપુરમાં જીજાએ સાળી સાથે આચર્યું દુષકર્મ
• ધાક ધમકી આપી ને 14 વર્ષની સાળી સાથે શારીરિક  સબંધ બાંધ્યો
• પત્નીને જાણ થતાં પતિ સામે ઇસનપુર પોલિસ સ્ટેશનમાં નોંધાવી ફરિયાદ

એક પ્રાપ્ત થતી વિગત અનુસાર અમદાવાદ શહેરના ઇસનપુર વિસ્તારમાં એક પરણિતે પોતાની 14 વર્ષની સાળી પર અવારનવાર દુષ્કર્મ આચરી તેને ગર્ભવતી બનાવી દીધી હતી. જો કે આ અંગે સગીરાની બહેનને જાણ થતાં તેણે તેના પતિ વિરુદ્ધ ઇસનપુર પોલીસ સ્ટેશનમાં ફરિયાદ નોંધાવતા પોલીસે બળાત્કારનો ગુનો દાખલ કરી તેની ધરપકડ કરી છે.

શહેરના ઇસનપુર વિસ્તારમાં 14 વર્ષની સગીરા પોતાની બહેન અને બનેવી સાથે રહે છે. બનેવીએ સાળીને પોતાની પ્રેમની જાળમાં ફસાવી તેના પર દાનત બગાડી હતી. જો કે તેની જાળમાં ફસાઇ ગયા બાદ આ યુવક અવારનવાર ધાકધમકી આપી તેની સાથે દૂષ્કર્મ કરતો હતો. 

યુવક સગીરાને ધમકી આપતો હતો કે જો આ અંગેની જાણ તારી બહેનને કરીશ તો તને જાનથી મારી નાંખીશ. આવા સંજોગોમાં સગીરા બધુ ચુપચાપ સહન કરી રહી હતી. જો કે થોડા દિવસ બાદ તેને પેટમાં દુઃખાવા ઉપડતાં તેને કારણ  પૂછતાં તેણીએ રડતા બધી હકીકત પોતાની બહેનને જણાવી. 

જેથી સગીરાની બહેને તેને લઇને ઇસનપુર પોલીશ સ્ટેશનમાં પોતાના પતિ વિરુદ્ધ ફરિયાદ નોંધાવતા પોલીસે ગુનો દાખલ કરીને બનેવીની ધરપકડ કરી.