તવાઈ / અમદાવાદમાં ટ્રાફિક પોલીસ ફરી સક્રિય, 2 દિવસમાં વસૂલ્યો 24.65 લાખ રૂ.નો દંડ

• અમદાવાદ ટ્રાફિક પોલીસની તવાઇ
• ટ્રાફિક નિયમોનો ભંગ કરનારને ફટકાર્યો દંડ
• 2 દિવસમાં વસુલ્યો 24.65 લાખ રૂ. નો દંડ

અમદાવાદમાં ટ્રાફિક પોલીસે ટ્રાફિક નિયમોનો ભંગ કરનારને દંડ ફટકારવાનું શરૂ કરી દીધું છે. તવાઈના ભાગરૂપે ટ્રાફિક પોલીસ સક્રિય બની છે અને તેઓએ 2 દિવસમાં જ વાહન ચાલકોની પાસેથી રૂ. 24.65 લાખનો દંડ વસૂલ્યો છે. 

આ બાબતોને આધારે ફટકારાયો દંડ

ટ્રાફિક પોલીસે દંડ માટે જે નિયમ અપનાવ્યા છે તેમાં હેલ્મેટ વિનાના અને સીટ બેલ્ટ વિના ડ્રાઈવિંગ કરનારા વાહન ચાલકોને ટાર્ગેટ કર્યા હતા. હેલ્મેટ વિનાના 1150 વાહનચાલકોની પાસેથી 5.75 લાખ રૂપિયાનો દંડ વસૂલ્યો હતો. જ્યારે સીટબેલ્ટ વિનાના 986 વાહનચાલકોને 4.93 લાખનો દંડ ફટકારવામાં આવ્યો હતો.