લાંછન / ફરિયાદ કરવા આવેલી 14 વર્ષ નાની યુવતી સાથે કૉન્સ્ટેબલને થયો પ્રેમ, બાદમાં જે કર્યુ તે ચોંકાવનારું

• 24 વર્ષીય અપરિણીત યુવતીએ મહેશ વિરુદ્ધમાં બળાત્કારની ફરિયાદ કરી
• પોલીસને મહેશ વિરુદ્ધમાં પુરાવા મળી આવતાં તેની વિરુદ્ધમાં બળાત્કારનો ગુનો દાખલ કર્યો
• બે વર્ષ પહેલાં કોઇ કારણસર મહેશની પત્ની મૃત્યુ પામી હતી

સરદારનગર પોલીસ સ્ટેશનમાં 38 વર્ષનો મહેશ વાઘેલા નામનો પોલીસ કોન્સ્ટેબલ ફરજ બજાવે છે. મહેશની પત્ની બે વર્ષ પહેલાં મૃત્યુ પામી હતી અને ત્યારબાદ તે તેનાં બે બાળકો સાથે રહે છે. ગઇ કાલે એરપોર્ટ પોલીસ સ્ટેશનમાં એક 24 વર્ષીય અપરિણીત યુવતીએ મહેશ વિરુદ્ધમાં બળાત્કારની ફરિયાદ કરી છે. યુવતીએ મહેશ પર આરોપ મૂક્યો છે કે લગ્નનું પ્રો‌મિસ આપીને મહેશે તેની સાથે અવારનવાર શારીરિક સંબંધ બાંધ્યો અને જ્યારે લગ્ન કરવાનું કહ્યું ત્યારે મહેશે લગ્ન કરવાનો ઇનકાર કરી દીધો હતો. 

બે વર્ષ પહેલાં કોઇ કારણસર મહેશની પત્ની મૃત્યુ પામી હતી

પોલીસસૂત્રોના જણાવ્યા અનુસાર મહેશ યુવતીને કોઇ કેસ મામલે મળ્યો હતો અને ત્યારબાદ તેને યુવતી સાથે પ્રેમ થઇ ગયો હતો. યુવતીએ લગ્ન કરવાની વાત કરી હતી તો મહેશે લગ્ન કરવાનું પ્રો‌મિસ આપ્યું હતું. બે વર્ષ પહેલાં કોઇ કારણસર મહેશની પત્ની મૃત્યુ પામી હતી. ત્યારબાદ તે બાળકો સાથે રહેતો હતો. લગ્નનું પ્રો‌મિસ આપ્યા બાદ મહેશે યુવતી સાથે અલગ અલગ હોટલમાં જઇ અનેક વખત શારીરિક સંબંધ બાંધ્યા હતા. 

પોલીસને મહેશ વિરુદ્ધમાં પુરાવા મળી આવતાં તેની વિરુદ્ધમાં બળાત્કારનો ગુનો દાખલ કર્યો

યુવતી છેલ્લા ઘણા સમયથી લગ્ન કરવા માટે મહેશને ફોર્સ કરતી હતી, જોકે મહેશ કોઇ ને કોઇ બાબતે તેનાથી દૂર ભાગતો હતો. મહેશે યુવતી સાથે લગ્ન કરવાનો ઇનકાર કરી દેતાં યુવતી પોલીસ સ્ટેશનમાં ગઇ હતી અને બળાત્કારની ફરિયાદ કરી હતી. પોલીસને મહેશ વિરુદ્ધમાં પુરાવા મળી આવતાં તેની વિરુદ્ધમાં બળાત્કારનો ગુનો દાખલ કર્યો છે અને યુવતીને મે‌ડિકલ માટે હોસ્પિટલ મોકલી આપી છે. પોલીસે મહેશ અને યુવતી વચ્ચેના વોટ્સએપ ચેટથી લઇ તમામ પુરાવા ભેગા કર્યા છે.