ચાલુ બસમાં ચાલતા જુગારધામ પર પોલીસના દરોડા 11 લાખનો મુદ્દામાલ કબ્જે

અમદાવાદના એસજી હાઈવે પરથી પોલીસ ચાલુ બસમાં ચાલતા જુગારધામનો ઝડપી પાડ્યો. આ બસમાં 18 જેટલા લોકો મદિરા સાથે જુગાર રમી રહ્યા હતા. પોલીસે 77 હજારથી વધુની રોકડ કબ્જે કરીને 18 લોકોની ધરપકડ કરીને આગળની કાર્યવાહી હાથધરી છે.

મળતી માહિતી મુજબ SG હાઈવે પોલીસને બાતમી મળતી વોચ ગોઠવવામાં આવી હતી. આ દરમિયાન સાંઈ ટ્રાવેલ્સ નામની લક્ઝરી બસને મોહમ્મદ પુરા ચોકડી પાસે પોલીસે ઉભી રાખી હતી. આ બસમાં 18 જેટલા શખ્સો મદિરા સાથે જુગાર રમી રહ્યા હતા. 

ગીરધરનગરમાં રહેતો મીત શાહ નામનો શખ્સ લક્ઝરી બસ ભાડે લઈને જુગાડ રમાડી રહ્યો હતો. પોલીસે 18 જુગારીઓ દારૂની બોટલ મોબાઇલ લક્ઝરી બસ અને 77 હજારથી વધુની રોકડ સહિતનો કુલ 11 લાખનો મુદ્દામાલ જપ્ત કરીને આગળની કાર્યવાહી હાથ ધરી.

ઉલ્લેખનીય છે કે પોલીસે બસને ઉભી રખાવી ચેકિંગ કરી બસમાં જુગાર રમતા 18 જુગારીઓ દારૂની બોટલ મોબાઇલ લક્ઝરી બસ અને 77880ની રોકડ સહિતનો કુલ 11 લાખનો મુદ્દામાલ જપ્ત કરી આગળની કાર્યવાહી હાથ ધરી હતી.