પોલીસ ફરિયાદમાં સમાધાનના નામે લાખો રૂપિયા પાડવાનો હતો આરોપ, હનીટ્રેપમાં કુલ 4 લોકોના થયા હતા તોડ
અમદાવાદના હની ટ્રેપ કેસ મામલો
મેટ્રોપોલિટન કોર્ટે તમામ આરોપીને નિર્દોષ જાહેર કર્યા
પૂર્વ PSI ગીતા પઠાણ સહિત લોકોને નિર્દોષ જાહેર કરાયા
અમદાવાદમાં સોશિયલ મીડીયા પર મીઠી મીઠી વાતો કરીને હુસ્નની જાળમાં ફસાવીને વૃદ્ધ તેમજ આધેડ લોકોનો શિકાર કરતી ટોળકી ઝડપાઈ હતી. જેમાં લોકો પાસેથી લાખો રૂપિયા પડાવવાના હનીટ્રેપમા ખાખીની સંડોવણી ખુલી હતી.
મેટ્રોપોલિટન કોર્ટે તમામ આરોપીને નિર્દોષ જાહેર કર્યા
અમદાવાદના હની ટ્રેપ કેસ મામલે મેટ્રોપોલિટન કોર્ટે તમામ આરોપીને નિર્દોષ જાહેર કર્યા છે. કેસની સુનાવણીમાં 25 થી વધુ દસ્તાવેજી પુરાવા અને 10 વધુ સાક્ષીઓના નિવેદન લેવાયા છે.20 માર્ચ 2021એ મહિલા પોલીસ સ્ટેશનમા કેસ નોંધાયો હતો. પોલીસ ફરિયાદમાં સમાધાનના નામે લાખો રૂપિયા પાડવાનો આરોપ હતો. આ મુજબ મહિલા ક્રાઈમના પૂર્વ PI ગીતા પઠાણ સામે ગુનો નોંધાયો હતો. PSI જે.કે.બ્રહ્મભટ્ટ સહિત કુલ 8 આરોપી પણ ગુનાહિત કાવતરામાં સામેલ હોવાનો આક્ષેપ હતો.
પોલીસ હનીટ્રેપ કેસ શું છે ?
અમદાવાદના તત્કાલિન PI ગીતા પઠાણ અને અન્ય પોલીસકર્મી પણ સામે હોવાનો આરોપ હતો. કેસની વિગતે વાત કરીએ તો 2014માં વેપારીને ફસાવી હનીટ્રેપમાં ફસાવવા બાબતે ફરિયાદ નોંધાઈ હતી અને કોર્ટમાં કેસ ગયો હતો. આ આરોપમાં તત્કાલિન PI પઠાણ સાથે PSI અને કોન્સ્ટેબલ પણ સામેલ હતા. વેપારીઓ સાથે મિત્રતા કેળવી ગેંગ રેકેટ ચલાવવાનો ગંભીર આરોપ હતો. ગેંગે ત્રણ વેપારીઓની પાસેથી 27 લાખ રુપિયા ખંખેર્યા હતા. ગેંગના સાગરિતોની ધરપકડ બાદ પોલીસના નામ ખુલ્યા હતા. તત્કાલિન PSI જે. કે બ્રહ્મભટ્ટ અને કોન્સ્ટેબલ શારદાબેન આરોપી હતા. ત્યારે આજે અમદાવાદની નીચલી કોર્ટે તમામ આરોપીને નિર્દોષ છોડવામાં આવ્યા છે.
ક્રાઇમ બ્રાન્ચે ગીતા પઠાણની ધરપકડ કરી હતી
અમદાવાદના પૂર્વ વિસ્તારમાં હનીટ્રેપના ચકચારી કિસ્સામાં ક્રાઇમબ્રાંચે પૂર્વ મહિલા પોલીસ સ્ટેશનના પૂર્વ પીઆઈ ગીતા પઠાણની ધરપકડ કરી હતી. ગીતા પઠાણ પાટણ પોલીસ સ્ટેશનમાં ફરજ બજાવતા હતા અને ક્રાઈમ બ્રાંચમાં હનીટ્રેપની ફરીયાદ બાદ ફરાર હતા. ઘટનાની વાત કરીએ તો ક્રાઈમ બ્રાંચમા અગાઉ એક વેપારીએ હનીટ્રેપની ફરીયાદ નોંધાવી હતી. જેમા અમદાવાદ ક્રાઇમબ્રાંચે જીતેન્દ્ર ઉર્ફે જીતુ મોદી, બીપીન પરમાર, ઉન્નતી ઉર્ફે રાધીકા રાજપૂત અને જાનવી ઉર્ફે જીનલ પઢીયારની ધરપકડ કરી હતી. . પીઆઈ ગીતા પઠાણ આ ટોળકી સાથે મળીને આધેડ પાસેથી રૂપિયા પડાવ્યા હતા. છેલ્લા એક વર્ષમાં પુર્વ મહિલા પોલીસ સ્ટેશનમાં નોંધાયેલી બળાત્કારની અરજીઓની ક્રાઇમબ્રાંચે તપાસી છે જેમાં ચાર અરજીઓમાં હનીટ્રેપનો ખેલ ખેલાયો હોવાનું ખુલ્યુ હતુ.
હુસ્નની જાળ કેવી રીતે ખેલતી ખાખી?
કેસના આરોપ મુજબ હનીટ્રેપ પોલીસ સ્ટેશનથી શરૂ થતો હતો કારણ કે પોલીસ કર્મચારીને ગ્રીન સિગ્નલ મળે ત્યારે ટોળકી પોતાનો ખેલ શરૂ કરતી હતી અને અંત પણ પોલીસ સ્ટેશનમાં જ થતો હતો. આરોપીઓ સોશિયલ મીડિયામાં આધેડવયના લોકોને પોતાની હુસ્ન્નની જાળ ફસાવતી કેટલીક યુવતીઓ સક્રિય કરતાં હતા અને આધેડવયના લોકો સાથે એક મુલાકાત બાદ યુવતી તેમની સાથે શરીર સંબંધ બંધાતી હતી.તે બાદ યુવતી પોલીસ સ્ટેશનમાં દુષ્કર્મની અરજી કરીને લાખો રૂપિયા ખંખેરી લેતી હતી તેવુ તપાસમાં ખૂલ્યું હતું. એકજ યુવતીએ અલગ અલગ નામ બદલીને પોલીસ સ્ટેશનમાં અરજી કરતા સમગ્ર મામલો સામે આવ્યો હતો.