અમદાવાદ ક્રાઇમ બ્રાંચની સાથે સ્થાનિક પોલીસે 2021ની સાલમાં ફરાર 296 જેટલા આરોપીની ધરપકડ કરી, પેરોલ જમ્પ આરોપીઓને પકડવા પોલીસ સફળ
અમદાવાદ પોલીસને 2021માં મળી મોટી સફળતા
2021ની સાલમાં ફરાર 296 જેટલા આરોપીની ધરપકડ
પેરોલ જમ્પના આરોપીઓને પકડવામાં પોલીસ સફળ
અમદાવાદ ક્રાઇમ બ્રાન્ચે પેરોલ જમ્પ કરીને ફરાર આરોપીઓ સામે લાલ આંખ કરી છે. ગંભીર પ્રકારનો ગુનો કરીને જેલમાંથી જામીન પર બહાર આવીને કોઈ મોટા ગુનાને અંજામ આપે, તે પહેલાં જ પોલીસ આરોપીઓને ઝડપીને જેલમાં મોકલી આપે છે.
અમદાવાદ ક્રાઇમ બ્રાંચની સાથે સ્થાનિક પોલીસે 2021ની સાલમાં ફરાર 296 જેટલા આરોપીની ધરપકડ કરી હતી. ક્યાં ગુનાના કેટલા પેરોલ જમ્પ આરોપીઓને પકડવામાં પોલીસ સફળ રહી તેના આંકડા આ મુજબ છે.
ખૂન કેશના 9 ફરાર આરોપી
લૂંટના કેસમાં 15 આરોપી
આમર્સ એકટના14 આરોપી
એડીપીએસના 3 આરોપી
ઘરફોડ ચોરીના 15 આરોપી
ચેઈનસ્નેચિંગ 6 આરોપીઓ
ચોરીના 38 આરોપી
જુગારના 8 આરોપી
પ્રોહીબિશનના 58 આરોપી
બનાવટી દસ્તાવેજ 34 આરોપી
અન્ય ગુનાઓના 15 આરોપી
શરીર સંબંધી 36 આરોપીઓ
આ રીતે કુલ 296 આરોપીઓ પકડવામાં પોલીસ સફળ નીવડી છે. આ સાથે અમદાવાદ ક્રાઇમ બ્રાંચે પેરોલ મેળવીને ફરાર આરોપીની સામે કડક કાર્યવાહી કરતા લતીફ ગેંગના બે મહત્વના સાગરીતોની ધરપકડ કરી છે. આ બંને રાધિકાજીમખાના હત્યાકાંડમાં સાબરમતી જેલમાં આજીવન કેદ ભોગવતા હતા. જે પેરોલ પર બહાર આવીને ફરાર થઈ ગયા હતા. જેમાં આરોપી મુસરફ પઠાણની દરિયાપુરથી ધરપકડ કરી હતી. તો અન્ય એક આરોપી જેને રુઉફવલ્લી ની જાહેર માં હત્યા કરી હતી તેનો આરોપ માં આરોપી ઇકબાલ હુસેન લાલા ધોબીની પણ ક્રાઇમ બ્રાન્ચે ધરપકડ કરી છે.બન્ને આરોપીઓ લતીફ ગેંગ ના સાગરીત હતા અને જેલ માંથી પેરોલ પર બહાર આવીને ફરાર હતા.