કોરોનાનો કહેર વધી રહ્યો છે ત્યારે આપણે તેના પર ગંભીર થવાના બદલે દિવસે દિવસે વધુ બેદરકાર થઈ રહ્યા છીએ. કારણ કે માસ્ક ન પહેરવાને લઈને પોલીસે કરોડોનો દંડ અમદાવાદી વાહન ચાલકો પાસેથી વસૂલ્યો છે. છેલ્લાં કેટલાક મહિનામાં અમદાવાદીઓએ કરોડોનો દંડ ચૂકવ્યો છે.
ટ્રાફિક પોલીસે બેદરકાર અમદાવાદીઓ સામે લાલ આંખ
અમદાવાદ પોલીસે 7 કરોડનો દંડ વસૂલ્યો
માસ્ક પહેર્યા વગર વાહન પર બહાર નીકળનારા વિરૂદ્ધ કાર્યવાહી
ટ્રાફિક પોલીસે બેદરકાર અમદાવાદીઓ સામે લાલ આંખ કરી છે. અમદાવાદ ટ્રાફિક પોલીસ હવે માત્ર વાહનની બેદરકારી નહીં પરંતુ માસ્ક પહેર્યા વગર વાહન પર બહાર નીકળો તો તેની સામે પણ આકરી કાર્યવાહી કરે છે અને બરોબરનો દંડ વસૂલે છે.
અમદાવાદ પોલીસે 7 કરોડનો દંડ વસૂલ્યો
કોરોનાના કહેર વચ્ચે જૂન માસથી ટ્રાફિક પોલીસને આ કામગીરી સોંપવામાં આવી છે, ત્યારથી અત્યાર સુધી ટ્રાફિક પોલીસે 52 હજાર લોકો સામે કાર્યવાહી કરી છે. 1 કરોડથી વધારેની રકમનો દંડ વસૂલી લીધો છે. જ્યારે અમદાવાદ પોલીસે 7 કરોડનો દંડ વસૂલ્યો છે. આમ અત્યાર સુધીમા કુલ 8.39 કરોડનો દંડ વસુલવામાં આવ્યો છે.
જાણો કયા મહિનામાં કેટલો દંડ વસૂલ્યો
અમદાવાદમાં જૂન માસમાં 15096 મેમો આપી 30,19,200નો દંડ વસૂલવામાં આવ્યો છે. જુલાઈ માસમાં 28,735 મેમો આપી 57,47,000નો દંડ વસૂલવામાં આવ્યો છે. ઓગસ્ટ માસમાં 2443 મેમો આપી 13,55,700 નો દંડ વસૂલાયો છે. સપ્ટેમ્બર માસમાં 5,514 મેમો આપી 55,14000નો દંડ લેવામાં આવ્યો છે. જ્યારે ચાલુ માસમાં અત્યાર સુધી 1325 મેમો બનાવી 13,25,000 રૂપિયા વસૂલવામાં આવ્યા છે.
બાઈક પર વાહન ચાલક હોય તેને રોકીએ એટલે બહાના બતાવેઃ પોલીસ
પોલીસ કરોડો રૂપિયાનો દંડ વસૂલી રહી છે. પરંતુ બેદરકાર વાહન ચાલકો પણ પ્રેમથી કરોડોનો દંડ આપી રહ્યા છે. એટલુ જ નહીં જ્યારે રોડ પર ટ્રાફિક પોલીસ વાહન રોકે ત્યારે પાક્કા અમદાવાદીઓ અલગ અલગ બહાના બતાવી બચવા પ્રયાસ કરતા હોય છે. પોલીસ કહે છે કે બાઈક પર વાહન ચાલક હોય તેને રોકે એટલે બહાના બતાવે છે.
આમ, અમદાવાદ પોલીસે માસ્ક ન પહેરનારાઓ પાસેથી કરોડોનો દંડ તો ઉઘરાવ્યો છે. પરંતુ આ દંડના સબકથી કેટલાં લોકો સુધરે છે. તે આગામી મહિનાઓની દંડની રકમ પરથી ખબર પડશે. બાકી લોકોને કોરોનાથી બચાવવા માટે કોરોના વોરિયર્સ એવી અમદાવાદ પોલીસ તો પોતાની ઝુંબેશ ચલાવી રહી છે. પરંતુ તેની ઝુંબેશમાં ત્યારે જ રંગ આવશે જ્યારે તમામ વાહન ચાલકો માસ્ક પહેરતાં થશે અને કોરોનાથી બચશે.